وزیرِ اطلاعات پنجاب عظمیٰ بخاری کا کہنا ہے کہ اسموگ کو کم کرنے کے لیے تمام اقدامات کیے جا رہے ہیں۔

انہوں نے میڈیا سے بات چیت کرتے ہوئے کہا کہ بھارت بھی اسموگ کے معاملے پر فکر مند ہے، اس کے خاتمے کے لیے بھارت کو بھی کام کرنا ہو گا، ن لیگ نے ہمسایوں کے ساتھ اچھے تعلقات پر توجہ دی ہے۔

وزیرِ اطلاعات پنجاب کا کہنا ہے کہ اسموگ کم کرنے کے لیے تمام اسٹیک ہولڈرز کے ساتھ بات کریں گے، ہوا کا رخ جب بھی لاہور کی جانب ہوتا ہے تو اسموگ بڑھ جاتی ہے، کچھ روز پہلے وزیرِ اعلیٰ پنجاب کی طبیعت خراب تھی۔

عظمیٰ بخاری نے کہا کہ اسموگ کی صورتِ حال کو دیکھتے ہوئے اسکولوں کو کھولنے یا بند کرنے کا فیصلہ کریں گے، فی الحال 17 نوبر تک اسکول بند ہیں، مزید حالات کو دیکھتے ہوئے فیصلہ کریں گے، امکان ظاہر کیا جا رہا ہے کہ اس ہفتے بھی اسموگ شدید رہنے کا امکان ہے۔