صدر مملکت آصف زرداری نے یوم پاکستان اور عیدالفطر کے موقع پر قیدیوں کی سزاؤں میں 180 روز کی کمی کردی۔

صدر مملکت آصف زرداری نے یوم پاکستان اور عید الفطر کے موقع پر قیدیوں کی سزا میں 180 روز تک کی کمی کردی، صدر مملکت نے سزاؤں میں کمی کی منظوری آئین کے آرٹیکل 45 کے تحت دی۔

صدر کے اعلان کے مطابق سزا میں کمی کا اطلاق قتل،  جاسوسی اور ریاست مخالف سرگرمیوں میں ملوث قیدیوں پر نہیں ہوگا۔

رپورٹ کے مطابق زنا، چوری، ڈکیتی، اغواء اور دہشت گردی کے مجرموں کو بھی یہ ریلیف نہیں ملے گا، سزا میں کمی کا اطلاق قومی خزانے کو نقصان پہنچانے والے مجرموں پر بھی نہیں ہوگا۔

رپورٹ کے مطابق ایک تہائی قید مکمل کرنے والے قیدیوں، بچوں کے ساتھ جیل میں موجود خواتین اور 60 سال سے زائد عمر کی خواتین قیدیوں کی سزاؤں میں نرمی کی جائے گی۔

سزا میں کمی کے تحت 18 سال سے کم عمر قیدیوں کو بھی ایک تہائی سزا مکمل ہونے پر رعایت دی جائے گی