وفاقی وزیرقانون اعظم نذیر تارڑ کا کہنا ہے کہ جوقانون کے مطابق مقدمات قائم ہوئے ہیں ان کے نتائج بھگتنا پڑیں گے۔ عدالتیں جو فیصلہ کریں گی اس پرسرتسلیم خم ہوگا۔

پنجاب بارکونسل میں تقریب کے بعد میڈیا سےگفتگو میں اعظم نذیر تارڑ نے کہا جب فوجی تنصیبات پر حملے کریں گے۔ سرکاری پراپرٹی جلائیں گے۔ پولیس کی گاڑیاں جلائیں گے تو آپکو پھول نہیں پہنائے جائیں گے۔

اعظم نذیر تارڑ نے کہا کہ چھبیسویس ویں آئنی ترمیم کے بعد کسی ترمیم کی ضرورت نہیں، کچھ ہوا تو تمام سیاسی جماعتیں اور پارلیمنٹ بیٹھ کرسوچیں گی۔

وفاقی وزیرقانون کا کہنا تھا کہ 26 ویں ترمیم ایک سٹرکچرل ریفارم ہے جو نظام کی بہتری کیلئےکی گئی، میرا نہیں خیال کہ 26ویں ترمیم کے بعد کسی ترمیم کی ضرورت ہے۔