پاکستان کے وزیراعظم شہباز شریف نے کہا ہے کہ ’ہمارا موقف واضح ہے کہ ہم امن چاہتے ہیں مگر کمزوری نہیں دکھائیں گے۔‘
انہوں نے سوشل میڈیا سائٹ ایکس پر اپنے پیغام میں کہا کہ ’اپنے بھائی ترکیہ کے صدر رجب طیب اردوغان سے بات ہوئی۔ ترک صدر کو انڈیا کے حملے کی تفصیلات سے آگاہ کیا۔‘
وزیراعظم نے کہا کہ ’پاکستان کی فوج نے دشمن کو پیشہ ورانہ مہارت سے پسپا کیا۔ ہماری مسلح افواج دشمن کے سامنے ڈٹ کر کھڑی ہیں۔‘
ان کا کہنا تھا کہ ملکی خودمختاری کا ہر قیمت پر دفاع کریں گے۔