گوستگیں روچ ءَ بلوچستان اسمبلی ءِ باسک بی این پی ءِ بنجاہی رہشون ملک نصیر احمد شاہوانی ءَ بلوچی اکیڈمی ءِ تروتاب کت آئی ءَ گوں بلوچی اکیڈمی اگدہ داراں گند ءُُ نند کت ءُُ چہ انوگیں حکومت ءِ نیمگ ءَ بلوچی اکیڈمی ءِ سالانہ گرانٹ ءِ کم کنگ ءِ سرا دلگرانی ءُُ ناوشی درشان کت ۔

آئی ءِ گشگ ات کہ چہ دمگی حکومت ءِ نیمگ ءَ اے سکیں ناروائیں گامگیجے کہ بی این پی ہرچ وڑا ایشی ءَ ایر جنت آئی ءَ گوں بلوچی اکیڈمی ءِ چئیر مین ءَ گشت کہ آ بلوچستان ءِ سر وزیر ءِ اے ناروائیں گامگیجءَ دارگ ءِ حاترا بلوچستان اسمبلی ءَ گپ جنت ۔ آئی ءَ گشت کہ حکومت ءِ نیمگ ءَ اے یک زبان کُشیں گامگیجے پرچکہ بلوچی اکیڈمی بلوچی زبان و ادب ءِ سرا کار ءَ انت۔

اگاں اکیڈمی فنڈ ءُُ گرانٹ کم کنگ بنت گڈا بلوچی زبان ءِ سرا بوتگیں کار مہتل بنت ۔ آئی ءَ گشت کہ اگاں حکومت وتی دوزواہ ءُُ درستی ءُُ راستی ئین مردماں گرانٹ دئیگ لوٹ ات گڑا بلوچستان۔

حکومت ءِ کرا فنڈ باز انت بلئے گپ ایش انت کہ یک ڈمی اکیڈمی یے کہ آئی ءَ ناں دپتر است ءُُ ننکہ پروگرس رپورٹے ءُُ نان آئی ءِ چشیں کارے دیم ءَ اتکگ کہ آئی ءِ پشدر بلوچی اکیڈمی ءِ گرانٹ بُرگ ءُُ ہمے ڈمی اکیڈمی دئیگ بہ بنت ۔ آئی ءَ گشت کہ وہدے کانود ءِ رد ءَ یک ادارگے ءِ فنڈ بُرگ ءُُ دگہ ادارگےءَ را دئیگ نہ بنت۔

گڈا کجام کانود ءُُ رہبند ءِ ردا بلوچی اکیڈمی ءِ گرانٹ بلوچی ادبی اکیڈمیءَ دئیگ بوتگ انت ؟ آئی ءَ گشت بلوچی اکیڈمی اے وہد ءَ کساس 500 کتاب چھاپ کتگ ءُُ یکیں ادادگ انت ۔

نبشتہ کار ءُُ کلمکاران کتابانی مُز ءُُ رائیلٹی ءَ دنت کہ پاکستان ءِ ہچ ادارگ اے کار ءَ نہ کنت ءُُ دومی بلوچی اکیڈمی درائیں دنیا ءَ وتی کتاباں پہ وانگ ءَ مپت ءَ دنت کہ دگہ ہچ ادارگ چو کنگ ءَ نہ کنت۔

پمشکا بلوچی اکیڈمی ءِ واکدار ءُُ اگدہ دار پرے کار ءَ ستا ءُُ توسیپ ءِ لائق انت ءُُ پرے کار ءَ سرکار بائدیں بلوچی اکیڈمی ءِ گرانٹ ءَ گیش بہ کنت گڑسرا بلوچی اکیڈمی ءِ چئیرمین ءَ ملک نصیر شاہوانی ءِ را بلوچی اکیڈمی بہرگانی تروتاب کنائینت ءُُ بلوچی اکیڈمی ءِ چاپ کتگیں کتابانی سوگات ہم دات ۔