دنیا ءِ درائیں زبانان اے سے چیزانی کارمرزی بوہگ ءَ انت ۔بلکیں زانتکار گش اَنت کہ ردانک نویسی ءِ براہ ہمیش اَنت ۔پمشکا ایشانی زانگ ءُُ ایشانی کارمرز کنگ الم اِنت۔بلئے باز مردم ایشانی بزانتاں چہ نابلد اِنت ءُُ ایشاں رد نبشتہ کنت ۔

اصل اے سے ئیں جتائیں چیزاں ءُُ ہریکے ءِ جتا معنا ءُُ کارمرزی یے است انت ۔چوکہ بتل کہ اردو ءَ ایشی ءَ محاورہ گشگ بیت۔بزاں یک سرگوستے ءَ چہ زرتگیں حیالے یک ردے ءَ کہ بیان بیت آئی ءَ را بتل گشگ بیت چوکہ *زور ءَ سرا راہ اِنت *اشتروتی بار ءَ وت بارت واہند ءِ جی ءُُ جان ءَ لوٹیت*اشتر بہ بو دور بچار حر مہ بو سرمباں مچار* بیر بلوچ ءِ داں دوسد سال ءَ لسہیں آہوگ دودنتان اِنت۔

اے درائیں بلوچی ءِ بتل اَنت ءُُ اے درائیں بتلانی پشدر ءَ یک سرجمیں سرگوستے ہم است انت ۔دومی گال کہ برز ءَ نبشتہ انت آ گشتن اِنت ،گشتن کہ اردو ءَ ایشی ءَ را اقوال ءُُ انگریزی ءَ Sayingگشگ بیت ۔اے ہما عالم ءُُ زانتکاریں مردمانی گشتگیں گپ اَنت کہ آوانی چاگردے ءَ ماراِتگ اَنت ءُُ مہلوک ءِ سرپد ی ءَ گشت اَنت ۔

بتلانی گواشوک یک مردمے نہ اَنت بلئے گشتن یک مردمے بنت انچوکہ گاندھی ءَ گشتگ کہ درائیں جیڑگانی سبب بے اوپاری اِنت پمشکا اوپار المی اِنت درائیں عالم ءُُ زانتکاریں مردم چوکہ افلاطون ،ارسطو،محمد،ءُُ اے دگہ بازیں نامیگیں مردمانی گشتگیں حبر گشتناں شمار بنت ۔ءُُ سیمی گال گالبند اِنت کہ انگریزی ءَ ایشی ءَ را ٹرم گشگ بیت ۔

اے ہما دریں لبزانی حاترا جوڑ کنگ بنت کہ استیں زبان ءَ مہ بنت انچوکہ بلوچانی بازیں درآمدیں لبزاں پہ وتی جند ءِ گالبند جوڑ کتگ اَنت چوکہ پہ ناول ءَ گدار،پہ ڈرامہ ءَ کسمانک ،پہ تاریخ ءَ دپتر،پہ اخبار ءَ روتاک،ءُُ دگہ باز۔اے سے ایں جتائیں چیزاں بائد ایشانی جتا جتا چارگ، پہمگ ءُُ نبشتہ بہ بنت ۔