مٹھی: صحرائےتھر میں بچوں کی ہلاکتوں کا سلسلہ نہ رک سکا، سول اسپتال مٹھی میں غذائی قلت اور وبائی امراض سے مزید 4 بچے جان کی بازی ہار گئے۔

سول اسپتال مٹھی میں غذائی قلت اور وبائی امراض سے مزید 4 ننھے پھول مرجھا گئے۔  بچوں کی ہلاکت کے بعد رواں ماہ جاں بحق ہونے والے بچوں کی تعداد 29 ہوگئی جب کہ رواں سال کی تعداد 627  تک پہنچ گئی۔

سول اسپتال مٹھی میں اس وقت بھی 81 بچے زیر علاج ہیں جب کہ ایک بچے کو تشویش ناک حالت میں حیدرآباد ریفر کیا گیا ہے۔

واضح رہے کہ گزشتہ کئی سال سے تھرپارکر کی چاروں تحصیلوں مٹھی، چھاچھرو، ڈیپلو اور ننگرپارکر میں سیکڑوں بچے غذائی کمی کے باعث موت کے منہ میں چلے گئے ہیں اور رواں سال بھی یہ سلسلہ جاری ہے۔