نال: سردار حیات خان ساجدی کے چھوٹے بھائی سردار زادہ میرعبدالحفیظ ساجدی قاتلانہ حملے میں جاں بحق تفصیلات کے مطابق اتوار کی شام تحصیل نال کے علاقے سریج گریشہ میں نا معلوم مسلح افراد نے سردار زادہ میر عبدالحفیظ ساجدی کو اس وقت اندھا دھند فائرنگ کرکے قتل کردیا جب وہ سریج گریشہ کے مقام پر ایک دوکان میں بیٹھے ہوئے تھے ۔

سردار زادہ میر عبدالحفیظ ساجدی مرحوم سردار عبدالکریم ساجدی کے فرزند اور سردار حیات خان ساجدی کے چھوٹے بھائی تھے مرحوم کا نماز جنازہ اور تدفین ان کے آبائی علاقہ سریج گریشہ میں آج بروز پیر صبح دس بجے ادا کی جائیگی اور فاتح خوانی ان کی رہائش گاہ سریج گریشہ میں ہوگی۔

دریں اثناء صوبائی وزیر داخلہ میر ضیاء اللہ لانگو نے کہا ہے کہ گریشہ میں سردارزادہ حفیظ ساجدی کے قتل کی مذمت کر تے ہیں دہشت اور وحشت کے داعی سیاسی ماحول کو خراب کرنا چاہتے ہیں۔

سردار حفیظ ساجدی کی شہادت امن دشمنوں کے تابوت میں آخری کیل ثابت ہوگا اپنے بیان میں کہا گیا ہے کہ بے گناہوں کے خون سے ہاتھ رنگنے والوں کو حساب دینا ہوگا میں ملوث دہشت گرد قانون کی گرفت سے نہیں بچ سکتے پولیس لیویز سمیت تمام فورسز کے ادارے دہشت گردوں کی گرنیں دبوچ لیں گے۔