خضدار : قومی شاہراہ پر وڈھ کے قریب مسافر بس اور ڈمپر ٹرک میں خوفناک تصادم بس ڈرائیور کلینر سمیت چھ مسافرجاں بحق سولہ مسافر زخمی حادثہ اور ٹیک کے باعث پیش آیا زخمیوں کو وڈھ میں طبی امداد کے بعد ٹیچنگ اسپتال خضدار منتقل کیا گیا ۔

زخمیوں میں خواتین اور بچے بھی شامل ڈپٹی کمشنر خضدار میجر (ر) محمد الیاس کبزئی نے بتایاکہ جمعہ کے وڈھ کاکا ہیر کے قریب قومی شاہراہ پرکوئٹہ سے کراچی جانے والی مسافربس اور ڈمپر ٹرک کے درمیان تصادم ہواجس کے نتیجے میں چھ مسافر موقع پر جاں بحق ہوگئے ۔

مرنے والوں میں بس ڈرائیور سبزل ،کلینر بابل، منشی عرفان ،ساکنان کوئٹہ جب کہ سولہ مسافر زخمی ہوگئے تھے وڈھ میں زخمیوں کو طبی امداد کے بعد دس شدید زخمیوں کو ٹیچنگ اسپتال منتقل کیا جا رہا تھا کہ شدید زخمی جمال شاہ ساکن کوئٹہ اور ایک خاتون سلمی ساکن قلات زخموں کی تاب نہ لاتے ہوئے دم توڑ دیئے سولہ زخمیوں میں چھہ معمولی زخمیوں کو ابتدائی طبی امداد کے بعد فارغ کیا گیا ۔

جاں بحق مسافر بس کا ڈرایؤر سبزل اور بابل بھائی ہیں پولیس ذرائع کے مطابق حادثہ مسافر بس اور ٹرک میں تصادم اور ٹیک کے باعث پیش آیا پولیس واقع سے متعلق مزید تحقیقات کررہی ہے واقع کی اطلاع ملتے ہی ڈپٹی کمشنر خضدار محمد الیاس کبزئی نے ٹیچنگ اسپتال خضدار میں ایمرجنسی نافذ کرکے ڈاکٹر ز اور عملے کو مریضوں کو ہر ممکن علاج و معالجے کی سہولت فراہم کرنے کی ہدایت کی۔