حب : بلوچستان کے صنعتی شہر حب میں نامعلوم افراد کی فائرنگ سے تین ایف سی اہلکار زخمی ہوگئے۔
سیکورٹی ذرائع کے مطابق پیر کی شب بلوچستان کے علاقے حب کے بازار میں نامعلوم افرادایف سی اہلکاروں پر اس وقت فائرنگ کی جب یہ اہلکار تربت سے آنے والی مسافر کوچ سے اترکر سرکاری گاڑی میں بیٹھ رہے تھے۔ فائرنگ کی اطلاع ملتے ہی سیکورٹی فورسز نے جائے وقوعہ پر پہنچ کر زخمی اہلکاروں کو سول ہسپتال حب منتقل کرکے ملزمان کی تلاش شروع کردی تاہم رات گئے تک ملزمان کی گرفتاری سے متعلق کوئی اطلاع موصول نہ ہوسکی۔