زیارت : وادی زیارت میں لیویز فورس میں بھرتیوں کیلئے دوڑ کے انعقاد کے دوران دوڑ میں ایک امیدوار جاں بحق جبکہ 2امیدواروں کوتشویشناک حالت میں کوئٹہ ریفر کردیاگیاہے اس کے علاوہ متعدد بے ہوش امیدواروں کوسول ہسپتال زیارت میں طبی امداد دی گئی۔

تفصیلات کے مطابق لیویز فورس میں بھرتی کے لئے نوجوں سے ٹیسٹ لیا گیاااو ردوڑ منعقد کرائی گئی۔ دوڑ زیارت فٹ بال سٹیڈیم سے خان وژہ تک تھا۔ 70کے لگ بھگ خالی آسامیوں پر 500امیدواروں نے اپلائی کیاتھا۔دوڑ کے انعقاد کے دوران امییمرجنسی کے لئے صرف ایک ایمبولینس ساتھ موجود تھا۔

دوران دوڑ کئی امیدوار بے ہوش ہو گئے جس میں سے ایک امیدوار سول ہسپتال زیارت میں خالیق حقیقی سے جاملے۔ دو امیدواروان شدید تشویشناک حالت میں کوئٹہ منتقل کر دئیے گئے دیگر امیدواران جن کی حالت غیر ہ ہوگئی تھی انہیں سول ہسپتال زیارت میں طبی امداد دے کر فارغ کردئیے گئے۔