برازیلیہ (اسپورٹس ڈیسک) آسٹریلوی ٹیم جیت کا عزم لئے 20 ویں فیفا ورلڈ کپ فٹ بال ٹورنامنٹ میں شرکت کیلئے برازیل پہنچ گئی ۔میگا ایونٹ 12 جون سے شروع ہو گا جس میں دنیائے فٹ بال کی ٹاپ 32 ٹیمیں عالمی ٹائٹل کے حصول کیلئے قسمت آزمائی کریں گی۔ سپین کی ٹیم ایونٹ میں ٹائٹل کا دفاع کرے گی۔ آسٹریلوی ٹیم کو میگا ایونٹ میں گروپ بی میں عالمی چیمپئن سپین، ہالینڈ اور چلی کے ساتھ رکھا گیا ہے اور وہ 13 جون کو چلی کے خلاف میچ سے مہم کا آغاز کرے گی۔ آسٹریلوی ٹیم میگا ایونٹ میں دوسرا گروپ میچ 18 جون کو ہالینڈ جبکہ تیسرا اور آخری گروپ میچ 23 جون کو دفاعی چیمپئن سپین کے خلاف کھیلے گی۔
