حب : کوسٹل ہائی وے سینگل کے قریب مسافر کوچ کو حادثہ، حادثے میں دو افراد جاں بحق اور 16 زخمی ہوگئے۔

حادثے کی شکار مسافر کوچ کراچی سے اورماڑہ جارہی تھی، حادثے کی اطلاع ملتے، ایدھی بلوچستان کے انچارج ڈاکٹر عبدالحکیم لاسی کی نگرانی میں اوتھل سے امدادی سرگرمیوں میں حصہ لینے کے لئے لیویز، کوسٹ گارڈ، ایدھی کی ریسکیو ٹیم بمعہ ایمبولینسز جائے وقوعہ پر روانہ ہوئیں اور لیویز فورس کے ہمراہ موقع پر پہنچ کر امدادی سرگرمیوں میں حصہ لیا اور جانبحق و زخمیوں کو لیویز فورس، پرائیویٹ اور محکمہ ہیلتھ، ایدھی ایمبولینسز کی گاڑیوں کے زریعے ڈسٹرکٹ ہیڈکوارٹر اسپتال اوتھل منتقل کیا۔

جہاں ابتدائی طبی امداد کے بعد زخمیوں کو کراچی ریفر کردیا گیا،، حادثے کی اطلاع ملتے ہی نائب تحصیلدار لیاری آفتاب موندرہ، انچارج ہنگول چیک پوائنٹ عبدالجلیل سومرو، انچارج لیاری چیک پوائنٹ اختر بلوچ، حافظ عبدالرزاق لیویز فورس کے اہلکاروں کے ہمراہ جائے وقوعہ و ڈی ایچ کیو اسپتال اوتھل پہنچے جہاں انہوں نے امدادی سرگرمیوں میں حصہ لیا واضح رہے کہ حادثے کے بعد زخمی افراد کو اوتھل اور اورماڑہ منتقل کیا گیا۔