خضدار+حب: خضدار اور حب کے قریب ٹریفک کے مختلف حادثات میں تین افراد جاں بحق جبکہ 6افراد زخمی ہوئے، تفصیلات کے مطابق خضدار ٹریفک کے دو مختلف حادثات میں خاتون سمیت دو افراد جاں بحق تین زخمی ہو گئے،پہلا ٹریفک حادثہ تحصیل نال کے قریب زمباد گاڑی کے الٹی کے باعث پیش آیا جس کے نتیجے میں خاتون مسماۃزینب موقع پر جاں بحق ہو گئی جبکہ دو افراد محمد خان اور جمال خان زخمی ہو گئے زخمیوں کو سول ہسپتال نال میں طبی امداد پہنچانے کے بعد۔

فارغ کر دیا گیا جبکہ دوسر ا حادثہ کوئٹہ کراچی قومی شاہراہ پر لاکھوریان کے مقام پر پیش آیا جس میں خضدار سے سوراب جانے والی کار ٹائر برسٹ ہونے کے باعث ڈرائیور سے بے قابو ہو کر الٹ گئی جس کے نتیجے میں کار ڈرائیور احمد سکنہ رودینی سوراب موقع پر جاں بحق ہو گیا۔

دریں اثناء قومی شاہراہ کھیر گولائی کے قریب نوشکی سے کراچی جانیوالی ٹو ڈی کار موٹرسائیکل سوار کو بچاتے ہوئے الٹ گئی حادثے میں ایک شخص جاں بحق دو بچیوں سمیت تین افراد زخمی جاں بحق شخص کی نعش اور زخمیوں کو ضلعی ہیڈ کوارٹر ہسپتال اوتھل منتقل کردیا گیا ہے جہاں ضروری کاروائی کے بعد لاش ورثا کے حوالے کردی گئی۔