کراچی: وزیر اعلیٰ سندھ قائم علی شاہ نے وزیر اعظم نواز شریف سے وفاقی بیورو کریسی میں صوبہ سندھ کو آئین کے مطابق کوٹا دینے کا مطالبہ کیا ہے۔ وزیر اعلیٰ سندھ سید قائم علی شاہ کی جانب سے وزیر اعظم نواز شریف کو لکھے گئے خط میں کہا گیا ہے کہ آئین صوبوں کو آبادی کے مطابق وفاق کے ماتحت بیورو کریسی میں کوٹا دیتا ہے لیکن بدقسمتی سے اس پر عمل نہیں ہورہا،کوٹے پر عمل نہ ہونا باعث تشویش ہے، اسی وجہ سے وفاق میں سندھ کا کوٹہ نہ ہونے کے برابر ہے جو احساس محرومی کو فروغ دے رہا ہے۔ وزیراعلیٰ سندھ کا کہنا تھا کہ وفاقی بیورو کریسی میں صوبہ سندھ کو آئین کے مطابق کوٹا اور اہل افسران کو ان کا جائز حق دیا جائے تاکہ ان میں موجود احساس محرومی کا خاتمہ ہوسکے۔