تربت: معروف شخصیت سنیئر میڈیکل افسر اور سابق ڈائریکٹر صحت ڈاکٹر جنید ایوب گچکی کرونا کے باعث انتقال کر گئے۔تربت کی معروف شخصیت اور سابق ڈویڑنل ڈائریکٹر ہیلتھ ڈاکٹر جنید ایوب گچکی منگل اور بدھ کی درمیانی رات انتقال کر گئے۔
وہ کچھ دنوں سے کرونا وائرس کے سبب زیر علاج تھے۔ گزشتہ شب طبعیت زیادہ بگڑنے کے سبب انہیں ایمبولینس کے ذریعے کوئٹہ منتقل کیا جارہا تھا جہاں قلات کے قریب ان کا انتقال ہوگیا۔بدھ کی شام ماڈل ہائی اسکول تربت کے گراؤنڈ میں ہزاروں سوگواروں کی موجودگی میں ان کا نمازہ جنازہ ادا کر کے سٹی قبرستان میں سپردِ خاک کردیا گیا۔