تربت: تربت کے علاقے آبسر میں سیکورٹی فورسز کی گاڑی پر راکٹ حملے میں افسر سمیت چار اہلکار اور ایک راہگیر زخمی ہوگئے۔سیکورٹی ذرائع کے مطابق گزشتہ شب تربت کے علاقے آبسر کے قریب ڈاکی بازار میں نامعلوم افر اد کی جانب سے ایف سی کی گاڑی پر راکٹ حملہ کیا گیا
جس کے نتیجہ میں گاڑی میں سوار افسر سمیت چار اہلکار اور ایک راہگیر زخمی ہوگئے جبکہ گاڑی کو بھی نقصان پہنچا، واقعہ کی اطلاع ملتے ہی سیکورٹی فوسز نے موقع پر پہنچ کر زخمی ہونے والے اہلکاروں اور راہگیر کو ہسپتال منتقل کیا گیا، سیکورٹی ذرائع کے مطابق سیکورٹی فورسز نے علاقے کو گھیرے میں لیکر ملزمان کی تلاش شروع کردی ۔