کوہلو: کوہلو کے مختلف علاقوں میں موسلادھار بارشیں ،سیلابی ریلوں میں رابطہ سڑکیں بہہ گئی کوہلو کاکوئٹہ سمیت اندرون بلوچستان سے زمینی رابطہ منقطع تفصیلات کے مطابق کوہلو شہر سمیت مختلف علاقوں ماوند ،پژہ ،منجھرا ،کاہان سمیت دیگر علاقوں میں شدید اور موسلادھار بارشوں سے ندی نالوں میںسیلابی صورتحال پیدا ہوگئی۔
حالیہ بارشوں سے کوہلو کوئٹہ قومی شاہراہ بُری طرح متاثر ہوئی مختلف مقامات پر پُلیں اور سڑک سیلابی ریلے میں بہہ گئی جس سے کوہلو کا کوئٹہ سمیت اندرون بلوچستان سے زمینی رابطہ منقطع ہوا شدید بارشوں سے کھڑی فصلوں کو بھی شدید نقصان پہنچا حالیہ بارشوں سے متاثرہ قومی شاہراہ پر حکومتی نااہلی اور خاطر خواہ اقدامات نہ ہونے کے باعث شاہراہ پر سفر کرنے والے افراد کو شدید مشکلات درپیش ہیں ۔عوامی حلقوں اور مقامی ٹرانسپورٹر نے شاہراہ کی خستہ حالی اور حالیہ بارشوں سے متاثر ہونے والے سڑک کی فوری تعمیر پر شدید خدشات کا اظہار کیا اورفوری تعمیر کا مطالبہ کیا ہے ۔