کوئٹہ: خضدار میں ٹریفک حادثے میں دو بہنوں سمیت چار افراد جاں بحق اور ایک زخمی ہوگیا۔ لیویز کے مطابق حادثہ کوئٹہ کراچی شاہراہ پر پیر عمر کے قریب پیش آیا جہاں کراچی سے آنے والی کار ٹائر برسٹ ہونے کے باعث الٹ گئی۔ حادثے میں صفیہ بی بی اور اس کی بہن حلیمہ بی بی دختر عبدالباری کاکڑ، عبدالقیوم ولد حاجی عصمت اللہ ، عمران خان ولد منظور خان موقع جاں بحق جبکہ عبدالباری زخمی ہوگیا۔ لاشوں اور زخمی کو سول اسپتال خضدار منتقل کیا گیا۔ جاں بحق افراد کا تعلق کوئٹہ سے بتایا جاتا ہے۔ چاروں افراد کی لاشوں اور زخمی عبدالباری کو ابتدائی طبی امداد کے بعد کوئٹہ منتقل کردیا گیا۔
