لاہور: آئی جی پنجاب پولیس نے محکمے میں افسران و اہل کاروں کے حافظ قرآن بچوں کے لیے آئی جی پی میرٹ سرٹیفکیٹ متعارف کروا دیا۔
آئی جی پی میرٹ سرٹیفکیٹ کے تحت جن پولیس اہلکاروں اور افسران کے بچے قرآن پاک حفظ کر چکے ہوں یا کر رہے ہوں، انہیں ایک لاکھ روپے انعام دیا جائے گا۔ اس سلسلے میں باقاعدہ نوٹیفکیشن بھی جاری کردیا گیا ہے۔
نوٹیفکیشن کے مطابق اہلکار یا افسران متعلقہ فارم مکمل کرکے 15 دنوں کے اندر جمع کرا سکتے ہیں، جس کی جانچ پڑتال کے بعد پنجاب پولیس ویلفیئر فنڈ سے بچوں کو نقد انعام سے نوازا جائے گا۔آئی جی پنجاب نے اس سلسلے میں صوبے کےتمام اضلاع و یونٹس میں ہدایت جاری کردی ہیں۔