کوئٹہ: بولان کے علاقے مچھ میں ٹریفک حادثے میں تین افراد زخمی ہوگئے۔ تفصیلات کے مطابق مچھ کے بائی پاس کے قریب تیز رفتار گاڑی رجسٹریشن نمبر A1690بریک فیل ہونے کی وجہ سے کھائی میں گر گئی۔ حادثے کے نتیجے میں تین افراد بلال احمد ولد خان کریم، محمد ارسلان ولد حاجی نیاز محمد کاکڑ سکنہ مچھ اور سردار سلمان ولد سردار یار محمد سکنہ مچھ زخمی ہوگئے۔ تینوں زخمیوں کو کوئٹہ منتقل کردیا گیا۔ ادھر پنجگور کے علاقے ایئر پورٹ روڈ پر کار اور موٹر سائیکل میں تصادم میں دو افراد مقبول اور ساجد زخمی ہوگئے۔ دونوں زخمیوں کو پنجگور کے مقامی اسپتال منتقل کردیا گیا۔
