حکومت نے لگژری اشیاء پر سیلز ٹیکس 18 سے 25 فیصد کرنے کی منظوری دے کر آئی ایم ایف کی ایک اور شرط پوری کر دی۔

وفاقی کابینہ نے سرکولیشن کے ذریعے لگژری اشیاء پر سیلز ٹیکس 18 سے بڑھاکر 25 فیصد کرنے کی سمری کی منظوری دے دی ہے۔

کابینہ کی منظوری کے بعد اب درآمدی موبائل فونز،آٹو سی بی یو، پینٹس، کاسمیٹکس، ٹشو پیپرز پر سیلز ٹیکس 25فیصد ہوگا۔

اس کے علاوہ چاکلیٹ، جوسز، مچھلی، فٹ وئیر ، درآمدی پھل، خشک میواجات، کتوں اور بلیوں کی خوراک پر بھی 25 فیصد سیلز ٹیکس وصول کیا جائے گا۔