قلات : قلات میں ٹریفک حادثہ خاتون سمیت2افراد جاں بحق کمسن بچوں سمیت تیرہ افراد شدید زخمی،ہسپتال منتقل ،تفصیلات کے مطابق قلات سنگداس کے مقام پر کراچی سے پشین جانے والی ٹوڈی کارموڑ کاٹتے ہوئے ڈرائیور سے بے قابو ہوکر مخالف سمت سے سوراب جانے والی ویگن سے ٹکرا گئی جس کے نتیجے میں ٹوڈی ڈرائیور پشین کے رہائشی سید احسان شاہ ،ایک خاتون بی بی قاضمہ موقع پر جاں بحق ہوگئیں جبکہ کمسن بچوں سمیت تیرہ مسافر شدید زخمی ہوگئے زخمیوں میں عبدالرسول،مبشر احمد ،سیف اللہ ،حافظ غوث بخش ،بارام خان ،سید بشیر شاہ،محمد ایوب ،نہال خان ،عبدالرحیم ،شرف الدین ،شہباز ،احمد علی ،فضل محمد شامل ہیں ۔حادثے کی اطلاع ملتے ہی ایس ایچ او ستار مینگل اور اے سی سلطان بگٹی و دیگر عملہ کے ہمراہ موقع پر پہنچ کر زخمیوں کو فوری طور پر سول ہسپتال قلات پہنچا دیا اور ہسپتال میں ایمر جنسی نافذ کردی گئی اور لوگوں کی بڑی تعداد ہسپتال پہنچ گئی ہسپتال میں زخمیوں کو طبی امداد دی گئی اور شدید زخمیوں کو مزید علاج کیلئے کوئٹہ ریفر کردیا گیا ۔زخمیوں میں سے تین کی حالت نازک بتائی جاتی ہے ۔مزید کاروائی پولیس کررہی ہے ۔
