اسلام آباد:پاکستان مسلم لیگ(ن) کے سینئر رہنما خواجہ آصف نے کہا ہے کہ بلوچستان میں لاپتہ افراد والا معاملہ لازمی حل ہونا چاہیے۔خواجہ آصف نے بلوچستان کے حوالے سے میڈیا سے اہم گفتگو کرتے ہوئے کہا کہ بلوچستان میں اب رواج تبدیل ہونے چاہیے

،وہاں مسنگ پرسنز والا بہت بڑا مسئلہ ہے جسے ضرور حل ہونا چاہیے۔انہوں نے کہاکہ تیس چالیس سال سے اقتدار میں بیٹھے بلوچوں کو اب عوام کا بھی سوچنا چاہیے،بلوچستان میں یہ بھی رسم ہے کہ وہاں بڑے لوگوں نے اپنی ذاتی جیلیں بھی بنائی ہوئی ہیں

ان میں بھی لوگ قید ہیں۔خواجہ آصف نے کہا کہ مجھے کابینہ کا رکن ہونے سے زیادہ اس پر خوشی ہے کہ مجھے پارٹی قیادت نے پارلیمانی لیڈر بنا دیا ہے،علی امین گنڈا پور یا کسی بھی وزیر اعلیٰ کے کہنے پر 9مئی میں ملوث افراد پر فوجداری مقدمے ختم نہیں ہو سکتے۔