لاہور ایسٹ ریجن نے گیس چوری کے خلاف بڑی کارروائی کی، اس دوران کمرشل صارف کروڑوں روپے کی گیس چوری کرتے ہوئے پکڑا گیا۔

کمرشل صارف نے سروس لائن سے کلیمپ کے ذریعے بائی پاس لگا رکھا تھا۔ چوری شدہ گیس دو بھٹیوں میں تاریں بنانے کے لیے استعمال ہو رہی تھی، جب کہ زیادہ مقدار میں گیس چوری کرنے کے لیے بڑے کمپریسر کا استعمال کیا جا رہا تھا۔

حکام کے مطابق گیس چوری سے قومی خزانے کو ماہانہ کروڑوں روپے کا نقصان ہو رہا تھا۔ گیس چوری میں ملوث صارف پر 3 کروڑ 25 لاکھ روپے جرمانہ عائد کیا گیا۔ گیس چوری میں ملوث افراد کے خلاف قانونی کارروائی شروع کر دی گئی ہے۔

چوری پکڑے جانے کے بعد اسپیشل ٹاسک فورس نے فوری کارروائی کرتے ہوئے کمرشل میٹر منقطع کر دیا۔ براہ راست بائی پاس اور کمپریسر کے ثبوت موقع سے برآمد ہوئے۔