کوک اسٹوڈیو سےشہرت پانے والےمیوزک بینڈ زیب اینڈ ہانیہ سےوابستہ معروف گلوکارہ ہانیہ اسلم انتقال کرگئیں۔

گلوکارہ زیب بنگش نے اپنے آفیشل انسٹاگرام ہینڈل پر جاری کی گئی اسٹوری میں اپنی کزن اور گلوکارہ ہا نیہ اسلم کے انتقال کی تصدیق کی۔ زیب بنگش نے بتایا کہ گلوکارہ ہانیہ دل کا دورہ پڑنے کی وجہ سے انتقال کرگئیں،

ہانیہ ا سلم کے انتقال پر پاکستانی میوزک انڈسٹری سے وابستہ فنکاروں کی جانب سے افسوس کا اظہار کیا جارہا ہے۔

واضح رہےکہ ہانیہ اسلم اوران کی کزن زیب بنگش نےسال 2007 میں میوزک بینڈ زیب اینڈ ہانیہ کی بنیاد رکھی،انہوں نے سال 2008 میں کوک اسٹوڈیو کے سیزن 2 میں اپنے گانے پیمانہ سے شہرت حاصل کی۔