حب ویراب کے قریب موسلی چڑھائی کے مقام پر زائرین کی بس کھائی میں جاگری 2 افراد جاں بحق جبکہ 13 زخمی ہوگئے۔

ویراب کے قریب موسلی چڑھائی کے مقام پر شاہ نورانی زائرین کی بس کھائی میں جاگری حادثے کے نتیجے میں 2 افراد جاں بحق 13 افراد زخمی ہوگئے، زخمیوں میں 3 کی حالت تشویشناک بتائی جاتی ہے۔

 زائرین کی بس درگاہ شاہ نورانی سے واپس آرہی تھی کہ حادثہ پیش آیا، زائرین کی بس کو حادثہ بریک فیل ہونے کے باعث پیش ایا، زائرین کا تعلق کراچی کے علاقے نیو کراچی عیدگاہ گرؤنڈ سے ہے۔

 زخمیوں میں مرد خواتین اور بچے شامل ہیں، جاں بحق ہونے والے افراد کی شناخت 14 سالہ اسود ولد وسیم قریشی اور 7 سالہ رباب ولد رشید کے نام سے ہوئی ہے،لاشوں کو حب کے گورنمنٹ جام غلام قادر ہسپتال منتقل کردیا گیا ہے، شدید زخمیوں کو حب اور کراچی منتقل کیا جارہا ہے۔