اقوامِ متحدہ کے سیکریٹری جنرل انتونیو گوتیرس نے کہا ہے کہ موسمیاتی فنانس پر دنیا کو ادائیگی کرنا ہوگی ورنہ انسانیت کو قیمت ادا کرنا پڑے گی۔

آذربائیجان کے دارالحکومت باکو میں موسمیاتی تبدیلی سے متعلق کانفرنس کوپ 29 کے دوسرے دن خطاب کرتے ہوئے انہوں نے کہا کہ ہم عالمی درجہ حرارت کو 1.5 ڈگری سیلسیس تک محدود کرنے کے حتمی مرحلے میں ہیں.

انہوں نے کہا کہ فوسل فیولز کو دو گنا کرنا مضحکہ خیز ہے، جی 20 کو موسمیاتی ایکشن پر قیادت کرنی چاہیے۔

انتونیو گوتیرس نے کہا کہ کوپ 29 میں موسمیاتی فنانس کی راہ میں حائل دیوار گرا دینی چاہیے۔

انہوں نے یہ بھی کہا کہ کوپ 29 میں ترقی پذیر ممالک کو خالی ہاتھ نہیں رہنا چاہیے۔