نائب وزیراعظم اسحاق ڈار کا کہنا ہے کہ سعودی عرب کو سیاسی مفادات کے لیے نشانہ بنانا افسوسناک ہے۔

بشریٰ بی بی کے سعودی عرب سے متعلق بیان پر رد عمل دیتے ہوئے اسحاق ڈار نے کہا کہ یہ اقدام مایوس ذہنیت کی عکاسی کرتا ہے۔

ان کا کہنا تھا کہ سیاسی قوتیں اپنے مقاصد کیلیے  خارجہ پالیسی پر سمجھوتہ کرنے سے باز رہیں۔

نائب وزیر اعظم اسحاق ڈار نے کہا کہ پاکستان اور سعودی عرب برادر ملک ہیں، دونوں ملکوں کے درمیان تعلقات باہمی احترام پر مبنی ہیں۔

اسحاق ڈار کا کہنا تھا کہ ہمیں سعودی عرب کی ترقی اور خوشحالی کے سفر پر فخر ہے۔

 پاکستان بھی سعودیہ سے قریبی تعلقات پر فخر کرتا ہے، سعودی عرب نے ہر مشکل وقت میں پاکستان کا ساتھ دیا ہے۔