شیرزال حانی بلوچ ءِ شرف ءَ

دوچ، دوچ جامگاں زرین

درامداں پہ کُنڈ ءُ مُہریاں بدوچ

شپ داں روچ، دوچ دوچ

مچار زرءُ مُزءُ ماجباں کدی

پہ زانتکاردوچ موسمی ءُ مولمی

درامداں پہ جامگاں پہ جورے وشنیتکاں دوچ

شپ تا روچ دوچ،دوچ

(کریم دشتی)

راجی جہدانی اندر ءَ ھرکس وتی نکان ءَ دنت، شاعر وتی وڑءَ پہلوان ءُ گوشندہ، تامرکار، آزمانکار، نبشتہ کار، سرمچار۔۔۔ ہریکے وتی جندءِ میدان ءَ جہد کنت۔ بلے اے اولی بر اِنت کہ شیرزال حانی بلوچ ءَ اے جہد بُرتگ ءُ دوچگراں سر کتگ کہ باید اِنت دوچگر ھم اے ظلم ءُ ناروائی ءِ بود ءُ سنچ ءَ حلاپ ءَ وتی ازم ءَ پیش بدار اَنت۔

شیرزال حانی بلوچ ءَ کہ ہمے جامگ ءِ سر ءَ اے ندارگ کشّی کہ کتگ باز جْوانیں ندارگ کشّی ئے،ءُ بلوچ ءِ سر ءَ ظلم ءُ زورے کہ بیگ ءَ اِنت، ہمے کلیں ندارگ،ہمے جامگ ءِ دوچانی اندر ءَ دست کپیت، سید گوش اِیت کہ:

برے پہ حانل ءَ گُلکاریں گال پِر بنداں

برے پہ راج ءَ چکنکاریں درداں درریچاں۔

 ءُ اے کلیں دیمرویئ مئے کمیٹی ءُ شیرزالانی جہد ءِ ثمر اِنت کہ کلیں بلوچ وتی جندءِ  پڑ ءَ جہد ءَ کوپگ چیردیگ ءَ اَنت، راجی جہدانی اندر ءَ اے المی اِنت کہ کلیں راج وتی نکاناں وتی وڑ ءَ بدنت ءُ باید اِنت کہ اے دوچگرانی اے دوچانی نام راجی دوچ ایر کنگ بہ بیت ءُ ایدگہ شیرزالیں زالاں ہمے سکین دیگ بہ بیت کہ بلوچ ءِ سرءَ ظلم ءُ زوراکی کہ بیگ ءَ اِنت، بلوچ راجی دوچگر ھم وتی نکاناں بدینت۔

اے بلائیں آگاہی ئےءُاے دوچانی نام الکاپ ءُ پُرمانائیں نام پِر بہ بنت، مروچاں لہتیں دوچانی نام سک سُبک اَنت، چوش کہ:

پلانی ءِ شلوار، پلانی ءِ چادر، پلانی ءِ دزمال، پلانی ءِ رومال۔۔۔

اے کِرمزیں دوچانی کم شرفی اِنت۔ ہو اے رنگیں سبکیں نام مئے کرمزیں دوچانی کم شرفی  اِنت، پیسرءَ اے دوچاں جْوان جْوانیں نام پر کنگ بوتگ۔

بلوچ شیرزال باید اِنت کہ اے پڑ ءَ ہم دلگوش ءَ گْور بکن اَنت، وتی راجی دوچاں شرفدار بکن اَنت، مروچاں ڈنی ملکانی دری راج ہم بلوچ راجی دوچ ءَ دوست دار اَنت ءُ مروچاں بازیں درقومی زالبول ہم بلوچی دوچانی پوشاکاں پِر کن اَنت۔

بلے شیرزال حانی کہ ءَ وتی ازم  ءِ درانگازی کتگ، بے درور اِنت۔ اے دابیں کارست ماں بندفتر ءَ نقش بنت، سید گْوشیت:

حانل ءِ حاتر ءَ سید انگت

گرانتریں گم وتی سر ءَ زیراں