بلوچستان اسمبلی میں خطاب کرتے ہوئے مختلف رہنماؤں نے دہشت گردی کے حالیہ واقعات کی شدید مذمت کی۔ میر یونس عزیز زہری نے کہا کہ “ہم رہیں یا نہ رہیں، بلوچستان اور یہ ملک رہے گا” اور یہ بھی واضح کیا کہ “ڈاکٹر مالک بلوچ یا رحمت بلوچ کو نشانہ بنانے سے نیشنل پارٹی ختم نہیں ہوگی، بلکہ قائم رہے گی”۔ اپوزیشن لیڈر نے رحمت صالح بلوچ سے یکجہتی کا اظہار کرتے ہوئے کہا کہ دکھ کی اس گھڑی میں نیشنل پارٹی کے ساتھ ہیں۔ ن لیگ کے پارلیمانی لیڈر میر سلیم کھوسہ نے بھی قتل کی شدید الفاظ میں مذمت کی۔