لیون: فرانس میں کھیلے جانے والے یورو 2016 فٹبال ٹورنامنٹ میں جرمنی اور فرانس نے کواٹر فائنل کے لیے کوالیفائی کر لیا ۔تفصیلات کے مطابق تیسرے میچ میں فرانس نے جمہوریہ آئرلینڈ کو دو ایک سے شکست دے دی ہے۔میچ کے پہلے ہاف میں فرانس کی کارکردگی زیادہ متاثرکن نہیں تھی اور ہاف کے اختتام پر فرانس ایک صفر سے ہار رہا تھا۔تاہم دوسرے ہاف کے آغاز سے ہی فرانس نے جارحانہ کھیل کا مظاہرہ کیا۔ فرانس کے کھلاڑی گریز مان نے میچ کے 57 اور 61 منٹ میں گول کر کے اپنی ٹیم کو برتری دلای۔فرانس کے شہر لیون میں واقع سٹیڈیم میں کھیلے جانے والے اس میچ کے آغاز میں ہی آئر لینڈ کے روبی برڈی نے پینلٹی کک پر سکور کر کے اپنی ٹیم کو ایک صفر کی برتی دلائی تھی۔خیال رہے کہ فرانس آئرلینڈ کے ساتھ کھیلے جانے والے گذشتہ پانچ میچوں میں ناقابلِ شکست رہا ہے۔آئرلینڈ کو فرانس کے خلاف آخری بار کامیابی سنہ 1981 میں ورلڈ کپ کے لیے کھیلے جانے والے کوالیفائنگ میچ میں ہوئی تھی۔فرانس کی بڑے ٹورنامنٹس میں اپنے ہوم گراؤنڈ پر کارکردگی کافی متاثر کن رہی ہے اور اس نے 15 میچوں میں سے 13 میں کامیابی حاصل کی ہے اور دو ڈرا کیے ہیں۔دوسری جانب جمہوریہ آئرلینڈ کی ٹیم پہلی بار یورو ٹورنامنٹ کے ناک آؤٹ مرحلے تک پہنچنے میں کامیاب ہوئی ہے۔یورو ٹورنامنٹ کی تاریخ میں آئرلینڈ صرف دو میچ ہی جیت سکا ہے۔ ایک میچ اس نے رواں ہفتے اٹلی کو شکست دے کر جیتا تھا جبکہ دوسری کامیابی اس کو سنہ 1988 میں انگلینڈ کے خلاف حاصل ہوئی تھی۔اسٹیڈیم میں بڑی تعداد میں شائقین میچ دیکھنے کے لے موجود تھے تاہم آئرش شائقین کا گلہ ہے کہ ان کے لیے کم نشستیں مختص کی گئی ہیں۔اطلاعات کے مطابق آئرش شائقین کے لیے صرف دس فیصد نشستیں مختص کی گئی تھیں اور اس بارے میں میچ سے قبل آئرلینڈ کے نائب کوچ کا کہنا تھا کہ یہ غیر منصفانہ ہے اور ہماری مداح اس حوالے سے مایوس ہیں۔ناک آؤٹ مرحلے میں کے دوسرے میچ میں جرمنی نے سلواکیا کو 3-0سے مات دید ی ۔جرمنی کی طرف سے پہلا گول بوٹینگ نے پہلے ہاف کے چھٹے منٹ میں جبکہ دوسرا گول گومز نے 43 منٹ اور تیسرا گول ڈریکسلر نے 63 منٹ میں سکور کیا۔میچ کے آغاز سے ہی جرمنی نے بہترین کھیل کا مظاہرہ کرتے ہوئے سلواکیا کو مسلسل دباؤ میں رکھا ہوا ہے۔جرمنی کی ٹیم نے گروپ مرحلے میں اچھی کارکردگی کا مظاہرہ کیا ہے اور اپنے گروپ میں سرِفہرست رہی ہے۔ جبکہ اس کے برعکس سلواکیا کے ٹیم کی کارکردگی گرپ مرحلے میں زیادہ متاثر کن نہیں رہی ہے اور اس نے بمشکل ناک آؤٹ مرحلے کے لیے کوالیفائی کیا ہے۔جرمنی اور اور سلواکیا کے مابین میچ فرانس کے شہر للی میں واقع فٹبال سٹیڈیم میں کھیلا جا رہا ہے۔میچ دیکھنے کے لیے اسٹیڈیم میں شائقین کی بڑی تعداد موجود ہے۔خیال رہے کہ جرمنی نے سلواکیا کے خلاف کھیلے جانے والے گذشتہ دس میچوں میں سے سات میں کامیابی حاصل کی ہے۔تاہم حال ہی میں کھیلے جانے والے ایک میچ میں سلواکیا نے جرمنی کو تین ایک سے شکست دی تھی۔جرمنی نے بڑے ٹورنامنٹس میں کھیلے جانے والے اپنے آخری 16 میچوں میں سے 13 میں کامیابی حاصل کی ہے جبکہ دو برابر اور ایک میں اس کو شکست ہوئی ہے۔سلواکیا کی ٹیم نے گروپ مرحلے کا ایک میچ بھی للی کے سٹیڈیم میں کھیلا تھا جس میں اس نے روس کو دو ایک سے شکست دی تھی۔خیال رہے کہ یہ دوسرا موقع ہے جب سلواکیا کی ٹیم کسی بڑی ٹورنامنٹ کے ناک آؤٹ مرحلے تک پہنچنے میں کامیاب ہوئی ہے۔اس سے قبل سلواکیا سنہ 2010 کے ورلڈ کپ میں آخری سولہ میں جگہ بنا سکا تھا۔
