پشاور: پاکستان میں ایران کے سفیرمہدی ہنر الدوست نے کہا ہے کہ پاکستان کی سیکورٹی ایران اپنی سیکورٹی سمجھتا ہے،پاکستان میں کسی بھی بے چینی کااثرات ایران پر پڑسکتے ہیں، کوئٹہ ڈرون حملے میں مارے جانے والے کے پاسپورٹ پر نام ولی محمد تھا ایسے میں کیسے کہ سکتے ہیں کہ ماراجانے والاطالبان امیر ملا منصور اختر تھا،ولی محمد یا ملا منصور اختر کے ایران سے آنے کوئی شواہد نہیں ملے، پشاور میں میڈیا سے گفتگو میں ایرانی سفیر کاکہنا تھا کہ کوئٹہ ڈرون حملے میں مارے جانیوالے شخص کا پاسپورٹ ولی محمد کینام سے تھا،کس طرح کہہ سکتے ہیں ہلاک ہونیوالا ٹی ٹی پی چیف ملا اختر ہے،ان کا کہنا تھا کہ ایسے شواہد نہیں ملے کہ ملااختر منصوریا ولی محمد ایران سے آرہے تھے،انہوں نے مزید کہا کہ کسی کے پاسپورٹ پر ایران کا ویزہ نہیں لگا تھا،مہدی ہنرالدوست کا کہنا تھا کہ پاکستانی اکانومی بڑھانے کے خواہاں ہیں ،ایرانی سفیر نے گیس پائپ لائن منصوبے کے حوالے سے کہا اس منصوبے سے پاکستان کی معشیت کو فائدہ پہنچے گا اور منصوبے کی راہ میں حائل تمام تر رکاوٹیں دور کر دی ہیں ،چار بہار بندرگاہ اور بھارت کے ساتھ رجارت کے حوالے سے کچھ غلط فہمیاں پیدا کی جارہی ہیں اور اس حوا لے سے جو اعداد وشمار بتائے جائے ہیں وہ حقائق کہیں زیادہ ہیں۔پاکستان کی سیکورٹی ایران اپنی سیکورٹی سمجھتا ہے ،اس سے قبل ایرانی سفیر نے وزیر اعلیٰ پرویز خٹک اور گورنر اقبال ظفر جھگڑا سے ملاقات بھی کی ۔۔
