ہما شپ انگت منا یات انت.آئی منا گْشت مرچی منا تْو نیم راہءَ راہ بدے.من بچکنداِت ءُُ، پسْو دات کہ مرچان تْو لگور بوتگ ءِ.ترا مرچان چا تہاریءَ تْرسیت. بلے تہاری چا من تئی شر تریں ہمراہ ءءَ بوت کنت. اگان من ہمراہ بْوت انت بلکیں من نیم راہ ءَ پے سر ترا یل کْت.بلکیں من چا درچکانی سیاھگ ء4 تْرس ات انت. بلے تہاری ترا دانکہ بانگواہ ءَ یل نہ کنت .من مرچی ترا نیم راہ ءَ راہ دئین.باندا من گون نہ انت .باندا شپ پدا تْو تھنا بئے. تہاری ھر شپ تئی ہمراہی ءَ کنت . منی سر جھل ات .من گپ ءَ ات انت .بلے وھدے من سر چست کْت آ را چار ات .آ منی گپانی سرا کندگ ءَ ات.من زانت آ منا الم نیم راہ ءَ ہمراہ کنت.من دگہ باز گپ نہ کْت. من آئی ءِ پشت ءَ بْوت انت آ منی دیم ءَ بْوت .کؤرے تہا من ءُُ آ روان ات انت. میتگ ءِ دراہیں گسانی چراگ مْرتگ ات انت .من دل ءَ آ جیڑت کہ مردمان تہاری ءِ تْرس ءَ وتی گسانی چراگ کْشتگ انت .بلے من ءُُ آ تہاری ءَ کورے کشک کپتگ ءُُ روان ات انت. من چک جت چارت کبرستان ءَ کسانیں چراگے شہم است انت .بلے من نہ زانت کہ اے وہدا کبرستان مردمے بیت.یا جن ءُُ پِریشتگے. من آ را ہم جْست نہ کْت کہ واجہ اے کبرستان ءِ مرمرانکین چراگے رڑن کئی بیت. من ہمے ہاترا جْست نہ کْت کہ آ را دیر ات کہ اے میتگ ءِ یلہ داتگ ات.من آ را چار ات .آئی ءَ آ سگریٹ دپا کْتگ ات ءُُ کش ما کش کنان اتے. من بس آئی ءِ پْشت ءَ روان ات انت .دْور میتگ ءِ نیمگ ءَ کچْک ءِ وکگ ءِ تْوار پیداک ات.من جیڑت بلکیں کچک ءَ منا ءُُ آئی را چا میتگ ءَ در کپگ ءَ دیستگ ھمے واست ءَ وکگ ءِ انت. پدا من وتء گپے سرا وت کندت.آاوشتات ءُُ من آ را چارت ءُُ آئی ءِ دیم ءَ اوشتات انت.
آئی سگریٹ ءِ دمے جت ءُُ ، سگریٹ زمین ءَ چْگل دات. آئی کپتگ ءِ سگریٹ وتئی پادانی چیر ءَ کْت ءُْ کْشت. آئی وتئی سر چست کْت منا چار ات ءُُ، دست ءِ سرا اشارہ کْت.من آئی ءَِ نزیک ءَ اتک انت.آئی وتئی دات شہار دات ء ْ منا گْشت .آ مردم ءِ گندے.من چار ات کورے تہا درچکانی سیاھگ تہاری ءَ لگت مال کْتگ ات. منا انچو سما بوہگ ءَ ات کہ کْورے دْراہیں درچگ واب انت.
من چار ات درچکانی تہا مزنین گزے است ات.ہمے گزے بْن ءَ سیاھگ ءِِ وڈین سیاہین چیزے سْرگ ءَ ات.من گْشت اْو واجہ چیزے سْرگ ءَ انت.آ کمیں ہامْوش بْوت.ہاموشی ءَ آرند آئی منا چار ات ءُْ گْشت کہ تْو بْرو دیم ءَ . من ھیرانی ءَ آ را جْست کْت کہ واجہ دیم ءَ. آئی منی گپ سرجم کنگ ءَ پہ سر منا گْشت اْو ہمے سیاھگ ءِ نیمگ ءَ دیم ءَ آروان کن.
منا تْرسْ ات. بلے من آ را پسْو نہ دات ءْ روان بْوت انت.من نزیک ءَ سر بْوت انت حرّ سرگ ءَ لگ ات(بندات بْوت).
من چک جت کہ آ را تْوار کنیں کہ واجہ بیا اے حرّے.بلے من چک جت آ منی پشت ءَ کندگ ءَ ات.من گْشت واجہ تْو اتکے.
آ منا پْسو دات .نا سرپد من ترا تھنا اے سیاھگ ءِ نیمگ ءَ چْو راہ دئے .بْوت کنت بدواہ (دشمن)ء ببیت. آئی منا چار ات ءُْ سگریٹ ءِ رْوک کْت.من دل ءَ جیڑت بلکیں منا ہم سگریٹ ءَ دئے.بلے تآئی سگریٹ دپ ءَ کْت ءُُ، راہ گپت.
من آئی پشت ءَ آئی ءِ ہمراہی ءَ جْنزان جْنزان ءَ آدور مزنین جنگلیاست .آئی دیم گْون ہمے جنگ ءِ نیمگ ءَ داتگ ات ءُْ روان ات.جنگل ءِ نزیک آ اوشتات ءُُْ چم چست کْت انت ءُ آسمان چار اتے.من ہم وتئی چم چست کْت انت آسمان چار ات کہ آ آسمان ءِ دیم ءِ چے ءَ چارگ ءُُْ شوھاز کنگاے.من چار ات آسمان ءِ دیم ءَ بانگواہ ءِ استال ناچ کنگ ءَ انت .منا یات اتک کہ منی بْلک ءَ مْدام بانگواہ ءَ ھمے استال چارتگ .ہمے استال بانگواہ ءِ ھال ءَ دنت.
اگان استال درا نہ بوت گْرا بلْک ءَ زانتگ ات کہ بانگواہ نہ انت.اگان استال ناچ ءَ بْوتگ گْرا بْلک پاد اتکگ پا پسانی دوشگ آواست ءَ. پسءِ دْشتگ انت ءَ چاہ ے کْتگ . من زانت نونْ بانگواہ انت .بلے آئی منا نا چارت ءُُْ گْشت. منی حیال ءَ بانگواہ انت .من گْشت اْو منی حیال ءَ ہم.. آئی منا جْنزگ ءِ اشارہ کْت .من جْنزگ بندات کْت.جنْزان جْنزان ءَ آئی منا گْشت ئے جنگے لمب ءَ کہ ما سر بیں.تْو واتر کن دیم پا میتگ . من اچ نہ گْشت ءْ آئی پشت ءَ روان بْوت انت .جنگل ءِ سر بوہگ ءَ ساری درچکے تہا شپرگ ءِ تْوار بْوت.آ اوْشات ءُُْ منا چارت ءِ .من جیڑت زان ءَ مردمے بیت پدا منا دیم ءَ روھگ ءِ اشارہ ءَ کنت .بلے ء وت ساری ءَ بْوت.کمیں ہمے درچکے نزیک ءَ کہ ما رستان. ہمے درچکے تہا چا رْوبائے در اتک .تچان ات دیم پا جنگ ءِ نیمگ ءَ.جنگل ءِ رسگ ءَ گون آئی منا چار ات ءُُ جْست کْت دم بْرتگ .من آ را چار ات ءُُْ کمین بچکندت. دم بْرتگ بلے واتر میتگ ءَ تک وت ءَ سر کْت کنین.من پْسو دات.تْو زوت واتر بکن روچ دراھگ ءَ الم وت ءَ میتگ ءِ کور ءَ سر کن. آئی منا گْشت.من آئی ءَ را چار ات ءُ سر سْرانت .من چار ات ءَ جنگلے تہا تیز جْنزان ءُُْ روان انت. دانکہ جنگلے درچکانی تہا گار بْوھان ات.دانکہ جنگل ءِ تہا شْت ءُُ گار بْوت. منی نیمگ ءَ چک ءِ ہم نہ جت کہ بارین من اوشتاتگ انت یا کہ من روھگ ءَ انت.
من تھنا ءَ واتر جنزگ بندات کْت.من جیڑ ات کہ روچ دراھگ ءَ پے سر من میتگ ءَ کور ءَ سر بئیں اگان نا.حرّ ہمے میتگ ءِ کْورے تہا بندوک ات کہ دوشی من ءُُ آئی دیستگ ات.ہمے واست ءَ من جیڑت کہ من روچ ءِ دراھگ ءَ کمیں پے سر کور ءِ سر بئین یا روچ در کیت. بلے منا روچ ءِ دراھگ ءَ پے سر کور ءِ حرّے کر ءَ روگی ات.
منا ہمے تْرس ات کہ روچ ءِ دراھگ ء الم دھکان مراد حرّا زْور ایت ءُُْ رْوت ڈاگارانی سرا. .ہمے حرّ دھکان مراد ءِ حرّ ات .کہ دھکان مراد روچ ءَ آہمے حرّ ءَ آزْور ایت ءْ وتی ڈاگارانی سرء رْوت. مگرب ءِ وہدا م واتر کہ وہدے وتی گس ءَ آ کیت.گْرا حرّءَ آ ہمے کوْرے تہا بند آیت.من جیڑان ءْ وتی گامان تْرند تر کنان بْوت انت.روچ دراہگی ات من ہم حرّے جاہ نزیک کْتگ ات. کمین جْنزگ ءَ آ رند من اتک ءُْ حرّے جاہ ءَ آ سر بْوت انت.
من کورے تہا دْراہین نیمگ چار ات انت. کہ میتگ مردم پاد اتکگ انت یا نہ. اگان میتگ ءِ مردم سْہب ءِ سر آ چا واب ءَ پاد بیا انت گْراالمکورے تہا مردم بیت .بلے کورے تہا انگت ہاموشی ات. بس مْرگانی چری چری ءِ تْوار ات.من حرّے بندگ جاہ چار ات. حرّ وتی بندگ جاہ ءَ نا ات.من جیڑ ات بلکین حرّ وتی بندگ جاہءَ وپتگ گندگ بوہگ ءِ نا انت.من بندگ جاہ شر چار ات .بلے حرّ ادا نہ ات. من جیڑگ ءِ آ ات انت کہ حرّ کئے بْرتگ. بلکین حرّا شپ ءَ سستگ. بلکیں حرّ دگہ یکے ءَ بْرتگاوْ ءِ وہدا مراد ہم ڈاگارانی سرءَ آ چْون رْوت.ہمے جیڑگانی تہا اچانک منی چم کپت انت کہ مْراد حرّ ءَ سوار ات ءَْ چادرے لْونجان ات. دیم پا کوچگ ءَ روھگ ءِ ات.من وتی سر ھارینت ءُُْ کورے تہا چار ات.مردم کس نیست ات کورے تہا ہاموشی ات. من جْنزان بْوت انت دیم پا میتگ ءَ. شت۔
