علی گوہر / روبرٹ ایچ ناسئیو
کارست:
مبو ( سنٹی مگسک)
اورئیو ( گوش)
اگار ( دست)
دلگوش:
ماں افریقہ ءَ زیات ءُُ گیشتر گندگ بیت کہ آئی ءِ جاہ منند ہردیں کہ جان شود انت گڈاں الم وتی جان ءَ چریں چیزے چرپ کن اَنت۔اے کسہ ہمے پشدر ءَ انت۔
دیر یگیں گپے نجمبی(Njambi) نامیں میتگے ءَ گوش ءُُ سنٹی مگسک ہور جان ءَ شودگ ءَ دراتک انت ۔ جان ءِ شودگ ءَ پد گوش ءَ یک چرپناکیں چیزے زرت ءُُ جان ءَ لتارگ ءَ لگ ات بلئے سُنٹی ءَ ہچ چشیں چیزے گون نیست ات کہ وتی جان ءَ بہ لتار ایت پمشکہ گوش ءَ گوں سنٹی ءَ گشت ’’ توچیاوتی جان ءَ چیزے چرپ نہ کنئے ؟ جان ءَ را تشے ٹیل چرپ کنگ سک شر اِنت‘‘۔
مگسک ءَ پسہ دات’’ منا ہچ گون نیست‘‘۔
گڑا گوش ءَ پشہ پرگردینت ءُُ گشت’’ راستی من اے گپ ءَ را نہ زانتگ ات ‘‘ گڑا من ترا تشے دئیں گوں کہ من ءَ باز گوں ‘‘۔ سنٹی ودار ءَ ات وہدیکہ گوش نرمیں موماں وتی جان ءَ لتارگ ءَ ات بلئے انچو کہ آئی ءَ وتی جان ءِ لتارگ ہلاس کت گڈاں ہما دمان ءَ مومانا ں زرت ءُُ وتی گوش ءَ مان کت کہ دائم آئی ءَ ہمود ءَ ایر کت انت ءُُ وتی کتگیں زبان ءِ گوں سنٹی ءَ وارت ۔
وہدے سُنٹی ءَ دیست کہ موم ایر کنگ بوتاں ، گڑاں آ تھتگانی ( دروازگ) ءِ دپ ءَ اتک ءُُ گشت ئے ’’ من ءَ موم بہ دئے پہ منی جان ءِ لتارگ ءَ کہ تو گوں من زبان کتگ اَت۔‘‘
بلئے گوش ءَ اے گپ ءَ را دلگوش نہ دات ءُُ دست ءَ را توار کت ءُُ گشت کہ سنٹی ءَ را ’’ ہتینہ‘‘ دیان کن ءُُ چراداں درکن ‘‘ ۔
پمیشہ چمے روچ ءَ چہ سنٹی گوش ءِ داتگیں زبان ءِ پداں کہ آئی ءَ وتی زبان ءَ را وارتگ ات کیت ءُُ آئی ءِ کرا ژونگ ژونگ کنت ءُُ گریت ءُُ کوکار کنت ءُ گیشت کہ ’’ منا منی موماں بدئے‘‘ بلئے گوش’’ اُووگ‘‘ نہ کنت گڈاں سنٹی مگسک نُرنڈان ءُُ گلہ کنان ءَ زہر کنت ءُُ پدا گوش ءَ وارت۔
( اے کسہ چہ ’’ WHER ANIMAL TALK‘‘ نامی ئیں کتاب ءَ چہ زورگ بوتگ ءُُ اے یک افریقی کسہ ئے)
