گوادر : گوادر کوہ بن وارڈ میں گیس پائپ لائن کے کام کا آغاز کر دیا گیا ۔ نیشنل پارٹی کے رہنما میر اشرف حسین ، نیشنل پارٹی کی صوبائی خواتین سکریٹری طاہرہ خورشید و دیگر نے فیتہ کاٹ کر کام کا افتتاح کیا ۔ تفصیلات کے مطابق جمعرات کے روز نیشنل پارٹی کی صوبائی خواتین سکریٹری طاہرہ خورشید کے کوششوں سے منظور کئے گئے کوہ بن وارڈ کے گیس پائپ لائن منصوبے کا افتتاح نیشنل پارٹی کے رہنما میر اشرف حسین و طاہرہ خورشید نے کیا ۔ اس موقع پر میر اشرف حسین نے کہا کہ اس منصوبے سے 1500 میٹر تک پائپ لائن بچھائی جائے گی ، جس سے پورے کوہ بن وارڈ کو گیس کی سہولت میسر ہوگی ۔ انھوں نے کہا کہ نیشنل پارٹی عوامی خدمت پر یقین رکھتی ہے ۔ عوام کی فلاح و بہبود کیلئے شب وروز جدوجہد کریگی۔ اس موقع پر نیشنل پارٹی کے تحصیل آرگنائزر فیض نگوری ، حفیظ جعفر ، مجید عبداللہ ، آدم قادر بخش و دیگر بھی ان کے ہمراہ تھے۔
