تژن ءُُ بچکندی گال
چو گشے بازاری گوکءَ تازہ ءُُ تیمار ءُُ زنڈ
وارتگ چو کاہ ءِ ڈول ءَ بے کساس سرکاری پنڈ

مرچان بازاری کچکاں گر ءُٗ گاپ انت ھر گوْر ءَ
چہ مزن لاپیں لدیگان لوٹگا انت بھر ءُُ ونڈ

بے سریں مردئے مدامی بستگ ئے دروگ ءِ کوار
میتگان گوجار دیاں انت بندئت بازیں زنڈ ءُٗ گونڈ

بئے نہ کنت پما مروچاں چ وڑیں میراث ءُُ مال
زیر کروچاں بیا وتیگاں مئے ہلینی آں مہ چنڈ

اے چتوریں چامگاں پوشنت راج ءِ مہتوسیں پری
نوکیں در ءِ حبر ءُُ پچاں گہتر انت مئے پیشی جنڈ

ذی تئی دیما ءُُ پشت ءَ موٹلانی لشکر اَت
مرچی دیم تئی گشتگ ءُُ سواری تئی کوھن ءُُ کلنڈ