جوانی چہ لیب ءَ بگرداں کار ءَ ،چہ کہولءِ چمداری ءَ بگر داں وتی پادانی سر اوشتگ ءِ گوازانک ءِ نام اِنت۔اے کمو وتسری ءُُ وت پرستی یے،چیاکہ کہول ءِ تہا آئیءِ ہر لوٹءُُ واھگ ءَ مات ءُُ پت گوں وتی مہراں چہ وتی دل ءِ جہلانکی ءَ پیلو کن اَنت۔دُگنیاءِ تہا آھگ ءَ آداں بازیں سالےءَ لامو کنگ ءُُ رودینگ بوتءُُ نوں اولی رنداِنت کہ آجو اِنت،آجوئی ءِ وشیانی جہلانکی ءَ تُرنداپ نوشیتءُُ جہان ءِ بدلی ءُُ چیردست کنگ ءَ دیم ءَ درکیت۔

ڈیموستینس(Demosthenes)گُشیت ، وش ترانی ءِ سئے رنگ ءُُ دروشم انت ۔۔۔سُر ءُُ پُر،سُر ءُُ پُر ءُُ سُر ءُُ پُر،بلئے آئی ءَ بوت کنت کہ اے پہ جواناں ھم گُشتگ۔جوان انچو وت بیسہ ءُُ بیلڑھ انت چوشکہ ھدااِنت۔آئی ءَ را چہ وردن ءُُ وراک ءَ گیش شاتکامی ءُُ نوکرنگیں چیزدوست بنت۔آئی ءَ را مزنی ،گیش گُشی،ابدمانی دوست بیت،چیاکہ آئی ءَ را بے کساسیں تاگت اَست آ وتی تاگت ءِ آجو کنگ ءِ واست ءَ باز درد ءُُ دورکشّیت۔آنوکیں ءُُ تُرسناکیں چیز اں دوست داریت؛یک مردے ھما وھدءَ داں جوان اِنت دانکہ آ رِسک (Risk)زوریت ۔

آ قانود ءُُ رھبندانی گوں نہ دلکشی ءَ رندگیری کنت۔وھدیکہ گپ کنگ جوانی ءِ ارشت داریں رنگ ءُُ دروشم زانگ بیت ،آئی ءَ راھاموشی ءِ زور دیگ بیت؛وھدیکہ آ سُر ءُُ پُر کنگ لوٹیت ،آئی ءَ رابے ھسی ءِ زور دیگ بیت،وھدیکہ آئی ءِ گرمیں ھون جوانی ءَ روانکیں نشہءِ تہا دور دنت ،آئی ءَ را گرانی ءُُ وشتبی ءِ زوردیگ بیت۔اے یلاچری ءِ اُمراِنت،ءُُ ایشیءِ مول ءُُ مراد تچک ءَ پدر اِنت کہ ھرچیز بازاِنت۔

اے ھچ دم نہ بارت،اے انوگیں وھد ے تہازندگ بیت، زیک ءَ کمار نہ کنت،بانداتءَ چہ نہ تُرسیت؛آپہ شات ءُُ گل یک کوہ ءِ سرا لِکپیت کہ آئی ءِ ٹُل دومی دیمءَ اندیم کنت۔اے مُہکمیں سما ءِ ءُُ تاھیربکشیں واھگانی اُمر اِنت؛تجربگ تنی وھدی دلپروشیءُُ پدگُشیءِ دیمپان نہ بوتگ؛ پدا سرجمی ءَ مارشت ءِ درانگازی یک وشتامیںءُُ وژنامیں چیزیے۔

ھرساھت پہ وتی جند ءَ دوست دارگ بیت،دگنیایک وشرنگیں ادایے پیم ءَ مننگ بیت،چیزے کہ نوشگ ءُُ enjoyکنگ بہ بیت،چیزے کہ آئی سرا کسئے شئر نبشتہ کُت بہ کنت،ءُُ آئی ءِ واست ءَ کسئے استالانی منت ءَ بہ گِپت۔

وشی ابرمی رنگ ءِ وت ساچیں تب اِنت،ءُُ ھمئے پیم ءَ جوانی اِنت۔امئے تہابازینےءِ واستءَ اے زند ءِ ھما دور اِنت کہ ما زند گوازینیں،بازیں مردمے چل سالءِ اُمرءَ یک یاتگاری ءِ چہرگ ءَ جنت ؛ھماآس کہ یک وھدے جمبور بوتگ آئی پُرانی دروشم ءَ انت۔زند ءِ مستریں چکاس ھمیش انت کہ اے ھما وھدءَ دانائی دنت وھدیکہ جوانی ءَ پچ گِپت۔اگاں جوان سرپداِنت کہ چون بیت ،ءُُ پیریناں ھمئے کار کُرتگ اَنت۔

سُر ءُُ پُر زرنگی بکشائیت،ءُُ اے ھمئے ھاتراجوانی ءَ ڈولدارکنت۔شرپداری ءِ راز دزگٹ بوئگ ءِ تہا اِنت،ءُُ گل ءُُ شات بوئگ ءِ نیم راز اِنت۔بیا ھدایانی دَر ءَ میراث ءِ لوٹ ءَ نہ کن ایں،بلئے سسا پہ چیزآنی ساچگ ءَ؛وشی چیزآنی ساچگ ءِ تہا اِنت ناکہ آھانی کارمرزکنگ ءِ۔

یوٹوپیا (Utopia)ءِ تہا تیورو(Thoreau) گُشیت کہ ھرکس وتی لوگ ءَ وت بہ بندیت؛ءُُ پدا سوت بنی آدم ءِ زرد ءَ واترکنت،انچوکہ مُرگءِ دلءَ واتر کیت وھدیکہ آوتی کُدو ءَ بندیت۔اگاں ماں وتی لوگاں بست نہ کنیں ،ما کم ازکم تَرّیت ،چگل دات ءُُ تتک کنیں؛ءُُ ما چو پیر ھم مہ بیں کہ لیب آں چارت بکنیںءُُ کُت اِش مہ کنیں۔بیا

لیب کنیں انچو شراِنت چُشکہ بیا دعاکنیں،ءُُ ایشانی آسر گیش باوری اَنت۔پمیشکہ جوان لیب جاہ ءَ چہ مکتب ءَ دوست تِر دارگ ءَ دانا اِنت،ءُُ بیس بال(baseball)ءَ چہ شہزانتی ءَ گیش درجہ دنت۔

بازسال ءَ ساری ،وھدیکہ یک چین ءِ چشمکی نودربرے ءَ امریکہ ءِ شاہ دربرجاہ آناں ” گوازی ءِ ھوریں گل گُشتگ اَت کہ آھانی تہا نزوریں مردماناں وانگ ءِ ھاترا باوریں موہ دیگ بیت”،آئیءِ ھبر چوں اندوہناک نہ اَت چُشکہ آئی ءَ جیڑہ اَتگ اَت،ءُُ ایشی ءَ وتی جند شاہ دربرجاہ آنی رنگ ءَ درشان کتگ اَت۔ہر شہزانت افلاطون ءِ رنگءَ بائداِنت یک کھلاڑی بہ بیت؛اگاں آ نہ اِنت،بیاآئی شہزانتی ءِ سرا بیسہ نہ کنیں۔