بیپار ءُُ راجمان ءِ میان ءَ یکجاہی ءِ کمی پمشکا است کہ ہر دوئینانی یکجاہ ءُُ ہمبند کنگ ءَ یک ہمدپی لیکہ یے نیست اگاں بوت انت گڑا یکجائی ءِ کمی یا نیستی ودی نہ بوتگ ات ۔ ہما راجمان کہ آہانی بستار تہنا مارکیٹ یا بازار ئیگ انت بلئے آ صنعتی زونے نہ انت ۔

اود ءَ مارکیٹ وت طلب ودی کنتءُُ وت سپلائی ہم کنت اے وڑیں راجمان ءِ تہا مارکیٹ ءِ بستار مستر بیت ءُُ راجمان ءِ کستر ،پرچکہ راجمان محکم کنگ ءَ مارکیٹ ءِ بستار بنکی ءُُ بینادگی جوڑ بوتگ کہ راجمان ءِ طلب زند ءَ شبند(determine) کنگ ءَ انت ۔

اے درگت ءَ مارکیٹ پہ راجمان ءَ اتھارٹی یے جوڑ بیت ۔چونائی ءَ ہمودا راجمان ءِ تہ اصنعتی زون است اود ءَ صنعت ءِ دست رس ءَ مارکیٹ است ءُُ مارکیٹ ءِ دسترس ءَ صنعت گڑا اود ءَ رجمان ءِ طلب ءِ زاہری رنگ ءَ زندگیر بیت ءُُ مارکیٹ ءِ کار اے طلب ءِ سپلائی ءِ بندوبست کنگ انت ۔وہدے اے وڑا بیت گڑا راجمان ءُُ بیپار ءِ میان ءِ سیادی تاسیسی یا تعمیری گشگ بیت اے درگت ءَ مارکیٹ راجمان ءِ حیراں گوں کار پوریشنے برجم کنت ۔

اے کارپوریشن ءِ عمل بیپار ءِ اخلاق شناسی حیال کنگ بیت بلئے اے ہما راجمان ءِ تہا برجاہ ءُُ برجم انت کہ آراجمان یک صنعتی زونے یا اود ءَ صنعتی زون است اود ءَ سر زاہر ءَ بیپار ءُُ راجمان ءِ میان ءَ یکجاہی ءُُ ہمبندی استءُُ ایشانی میان ءِ یکجائی ءَ ہمبندی ہمدپ گمان کنگ بیت ۔ 

اے یکجائی ءِ ہمدپ بوہگ مارکیٹی راجمان ءِ واہگ انت کہ ایشی ءِ کسی ءَ نیستی ءَ توجیل انت ۔اے درگت ءَ اے وڑ نہ انت کہ مارکیٹی راجمان ءِ تہا بیپاری اخلاق شناسی نیست ۔ اے وڑیں راجمانانی تہا بیپار بیرگ ءَ قدری گالبند انی سر انت ۔اے قدر ہم میلانکی رہبند(vertical) ءِ تہا انت بزاں حیر رہبند دئیگ بوتگ کہ کئی گشتگیں حیر ءِ مقام کجام انت ءُُ کئی گشتگیں شِر(evil) ءِ مقام کجا انت ۔

اے درگت ءَ اخلاق شناسی بیرگ ءَ قدری رہبندانی تہا بہر انت اے بنیاد ءَ اصل شرط قدری گالبندانی اکتشاف دریافت ءَ پدا اظہار بوہگ انت ۔چہ اے وڑی ءَ پہ اے وڑیں راجماناں اسر شناسیں اخلاق شناسی (conseqiential ethics ) ٹہنگ بیت کہ مارکیٹ بلئے راجمان ءِ حیراں گوں زاہر ءَ ءُُ مرحلانی تہ اخلاقی نہ انت بلئے ایشیءِ آسر پہ راجمان ءَ اوں تاوان نہ انت ءُُ پہ مارکیٹ ہم ۔

قدری گالبندءُُ اخلاق شناسی : لہتے فلسفی قدری گالبندValue terms کارمرز کنتءُُ ردان یا ججمنٹ ءَ اخلاقی جوڑ کنت اے قدری گالبند چش انت رد ،باءِ د،ہیر ،شر، بہ بیت انت مہ بیت انت،بوت کنت،التبہ اے لڑ سرجم نہ انت بلئے پہ لیکہ ءِ سرپد بوہگ ءَ گنج انت اگاں کسے وتی ججمنٹ ءِ تہا ہمے قدرداریں گالبنداں کارمرز بکنت گڑا اے ججمنٹ اخلاقی جوڑ بیت انچو کہ اے ردان انت
أ چک ءِ اکند کنگ رد انت۔
*مردم بائد انت وتی ہمساہگ ءَ گوں شر بہ بیت
*لہتے حالاں وتکشی راست انت ۔
* چکانی جنگ ناشریں کارے 

اے بیپاری اخلاق شناسی ءِ رد ءَ اخلاق شناسی یک ازبابے منی نز ءَ پہ راجمان ءَ آئی ءِ اخلاقی شناسی ءِ ازبابی بوہگ آراجمان ءِ مرگ ءِ چیدگ انت چونائی ءَ اے وڑیں اخلاق شناسی پمشکا برجم دارگ بوتگ کہ راجمان ءِ طلب ڈالچار انت راجمان ءِ قدر ڈالچار انت ءُُ راجمان ءُُ بیپار ءِ میان ءَ تعمیری سیادی نیست ۔ اے وڑیں راجمان وتی کمی یا نیستی ءِ ہلاسی ءَ ہمے برز ءَ بستگیں گپانی ڈالچاری ءِ تہا تہا گند انت بزاں ایشانی کمی یا نسیتی ءِ ہلاسی ءِ توجیل صنعتی زون ءِ تہا انت ۔

تربت شہر ءِ صنعتی کنگ ءِ واستہ تربت شہر یک مارکیٹی راجمانے جوڑ کنگ بوتگ ءُُ بلئے تربت ءِ راجمان ءَ وتی بستار ءِ غم پر انت آ وتا ہمدپ کنگ لوٹیت ءُ پہ ہمدپ بوہگ ءَ تربت ءَ وتی ربیت ءِ سودا پہ اے مز ءَ جتگ کہ آئی ءِ راجمان مہ مریت بلئے بن اصل ءَ ا ے مرگ یک دروہاپے(illusion) کہ ایشی ءَ پہ وتا واقعی کتگ ۔