یک روچے مئے لوگ ءَ اتکگ ات مئے تھتگ ئے ٹُک اِت ءُُ ہما دمان ءَ چہ من ءَ Satureday Evening Post ءِ تاکبند ے بہا ہ یے زرت ۔چہ ہمدا مئے سنگتی بندات بوت ءُُ مئے بیپاری سیادی ہم ۔

آئی ءِ نام جون(John) ات بلئے من آئی ءَ را جونی ءِ نام ءَ توار پرجت ۔آیازدہ سال ئیگ ات ۔اے ہمے سند ءُُ عمر ات کہ آئی ءَ پہ بیس بال ءُُ بولی لیب یا ماہیگ کشگ ءَ ہدوک بوہگ لوٹ اِتگ ات بلئے آ پہ ایشاں ہدوک نہ ات یک روچے آ پدا مئے در ءِ دپ ءَ اتکگ ات بلئے اے درستیں چیزانی بدل ءَ آئی ءَ بیپار ءِ بابت ءَ گوں من گپ کت ۔آئی ءَ من ءَ جست کت ’’ منی حیال ءَ تئی گور ءَ بازیں کوہنیں تاک ءُُ تاکبندے بیت ؟‘‘ من پسہ دات ’’ ہو ،منی کرا جہل ءَ لوگ ءِ امبار ءَ ہروڑیں تاکبند است ‘‘ ۔
’’تو گڑا من ءَ اشانی چارگ ءَ کل اِت‘‘؟
من پسہ دات کہ ۔۔۔الم ۔

من آئی ءَ را زرت ءَ جہل ءَ شتاں ہمود ءَ کہ امبار ءِ کنڈے ءَ ہمے تاکبند تاکہ ءُُ پر چتگ ءُُ ایر ات انت ۔ ناگت ءَ ہمے گونڈ ورتاکانی ایریں بانڈم ءِ سر ءَ سرکپت ءُُ بازیں تاک ءُُ تاکبندے درے کت ءُُ ہریکے ءِ نام ءُُ شماراں تپاساں بوت ۔آئی ءَ من ءَ جست کت تواشاں وتی کر ءَ ایر کنگ لوٹ ئے ؟

من پسہ دات ’’ اناں تو اشاں بزور ۔۔۔آئی ءَ من ءَ پست دات اناں من اشاں پہ ہشک ءُُ حدا نہ زوراں تو اشاں من ءَ چنچک ءَ دئے ؟ من آئی ءَ را پسہ دات تو اشاں پہ ہنچو بزور ۔

من ءَ آئی ءَ پسہ دات اناں من اشاں بہازورگ لوٹاں تو گوں من ءَ اشاں چنت ءَ ٹہہ ئے گوں ؟ اے یازدہ سالی بچکے ات شہم ءَ را ہدار ءُُ ساکمیں ءُُ وتی ساکمیں ءُُ وتی کار ءِ مرید ۔’ ’ ترا پہ کوہنیں تاکبندں چے کار ؟ من آ جست کت ۔ آئی ءَ من ءَ پست دات من اشاں مردمانی کر ءَ بہا کناں ءُُ من گشاں ہمے رنگ ءَ مئے گزران بہ بیت ءُُ کار دیم ءَ بہ روت ‘‘۔

من گڑا یک دانگے تاکبند پہ سے سنٹ ءَ رزا مند بوتاں ۔اولی روچ ءَ آئی ءَ یک تاکے ’’Esquire ءُُ دو دانگ کوہنیں Satureday evening postیک seribnerیک ماہیAtlantic ءُُ دانگےCollier’s گوں وت لوگ ءَ برت ۔آئی ءَ من ءَ گشت’’ من پہ گیشتر تاکبند ءِ بہا کنگ ءَ زوت واترباں ‘‘ ۔

باز روچ ءَ پد وہدے آ واتر بوتگ ات من زانتگ ات کہ آئی ءِ نام جون انت بلئے من آئی ءَ جونی توار پر جنگ ءَ اتاں ۔من چہ آئی ءَ پرس ات ’’ ھال کاں ‘‘ جونی چینچک بہابوت؟ ‘‘ آئی ءَ من ءَ پسہ دات من سجہ بہا کتاں ءُُ اے درسانی من ءَ ہپتاد سنٹ دزکپت ۔من آئی ءَ راگشت : ’’ اے پہ تو باز جوان انت ءُُ تو چے پیم اے کوہنیں تاکبنداں ہپتاد سنٹ ءَ بہاکت ۔

جونی ءَ گشت ’’ ہمے وہد ءَ کہ من تران ءُُ روتاک ءُُ تاکبنداں بہا کنگ ءَ اتاں بزاں ہمے(satureday evening post) ءِ گڑا من مردماں گشت کہ اگاں شمارا گوستگیں پرارزشتیں تاکبند دست نہ کپتگ انت شما لوت اِت اش من ءَ گوں انت گڑا مردماں ہمے نہ رس اتگیں تاک ءُُ تاکبندانی پہ بہا زورگ ءَ من ءَ ہما وڑا قیمت دات کہ باور کنگ نہ بیت ۔
چیا کہ چہ آہانی دست ءَ بازیں نبشتانک اکس ءُُ وتی دوستگیں کسہ بیسانی کسہ شتگ ات انت ۔من آئی ءَ را گشت ’’ توشیواریں بچکے ئے ‘‘
آئی ءَ من ءَ گشت ’’ ابا گش ایت اگاں تو سودا جنوکے ( salesman) بوہگ لوٹ اِت گڑا جوانیں سودا جنکوے جوڑ بو ءُُ من جوانین سودا جنوکے جوڑ بوہگ ءَ آں ۔‘‘ پدا من آئیءَ را گشت ’’ ہو گپ کنگ ءِ حکی ئیں راہبند ہمیش انت کہ تو کنگ ءَ ئے ءُُ تئی پت چے کنت‘‘؟ْ

جونی ءَ پسہ دات ’’ ابا ہچ نہ کنت آ بس لوگ ءَ نشتگ ‘‘۔ من جست کت آ زاناں نہ وش ءُُ نادراہ انت یا دگہ واستے ءَ ؟ آئی ءَ من ءَ پسہ دات ’’ اناں آ نادرہ نہ انت زرتگ ءُُ وش انت ءُُ ہچ ئے نہ اِنت ‘‘۔ من پدا پرس ات ترا چنیچو وہد انت کہ تو Satureday Eevening post بہا کنگ ءَ اِت۔‘‘

آئی ءَ من ءَ پسہ دات کہ پنچ سال انت ءُُ من شش سال ءِ بوتگاں کہ اے کار بندات کتگ ات ۔من درائینت تئی پت بلائیں وش بہتے کہ تئی وڑیں بچکے آئی ءِ چک انت ۔اے روچ ءَ آئی ءَ درزنانی حساب ءَ ’’ تاکبند ‘‘ برت ۔

آئی ءَ من ءَ گشت ’’ من ءَ پنچ انچیں لوٹ (آرڈر) گوں کہ اے گراک اوشتاتگ انت جون ۱۹۳۷ ءِ یک ’’Squire‘‘ ءِ تاکے فروری ۱۹۳۸ ءِ ماہتاک’’Atlantic‘‘ ءِ یک تاکے دسمبر ۱۹۳۷ ءِ ’’The new york‘‘ ءُُ اسٹوری میگزین ءِ فروی ۱۹۳۴ ءِ تاکے ءُُ اپریل ۱۹۳۸ ءِ Collierء، یک تاکے ءَ اے دگراں من پدا دگہ برے بہا کناں ۔

آئی ءَ درائینت من اشاں بہا کت کناں ۔بازیں روچ ءَ پد من دیست کہ جونی تحتگانی دپ ءَ اوشتاتگ ۔من آئی ءَ گشت چون ئے جونی ؟ تو آ درست بہا کت انت ؟ آئیءَ پست دات درست اناں منی کرا ءَ دوسراتکگ بلئے من ءَ کمو گیشتر بدئے ۔من آئی ءَ را گشت شر تئی کار ءُُ کسب باز جوان انت ۔آئیءَ پسہ دات مرے روچاں شرانت ءُُ ہمے ہپتگ ءَ من وتی The Satureday Evening post ءِ بہا کنگ ءِ ریکارڈ وت پروشتگ ءُُ اے ہپتگ ءَ من ۱۰۷ دانگ بہا کتگ ءُُ بازیں بچک وت ءَ را وش بہت لیک انت اگاں آیاں ۷۵ یا ۱۰۰ دانگ بہا بہ بیت بلئے پہ من اے وش بحتی یے نہ انت ۔

من چہ آئیءَ جست کت جونی شمئے کہول ءِ چنت مردم انت ؟ آئی ءَ پسہ دات کہ گوں من شش یکے منی پت انت سے کسترین برات انت ءُُ دو کستریں گہار انت ۔من جست کت شمئے مات کجا اِنت ؟ جونی ءَ پسہ دات مات سالے ساری بیران بوتگ ۔‘‘ 

آئی ءَ یک کلاکے جہل ءَ ہما تاکبندانی رد ءُُ بنددیگ ءَ گوازینت کہ آئی ءِ تب ءُُ واہگ ئیگ ات انت ۔من آئی ءِ کش ءَ اوشتات ءُُ گوں آئی ءَ گپ کت ہمے وہد ءَ کہ آ ہریک روتاک ءُُ تاکبندے ءَ درکنگ ءُُ شرتپاسگ ءَ ات ۔وہدے من آئی ءَ راجست کت کہ تو کوہنیں تاکبند ہم شریں نہاداں بہا کتگ انت ؟ آئیءَ گشت ہو ءُُ آئی ءَ گشتseribner ءِ پنچمی سالتاک ءَ را شست سنٹ ءَ بہا کتگ ات پدا گشت ئے کہ من Esquireءُُ Vanity ءِ بازیں تاکے پہ شریں نہادے ءَ بہا کتگ ہمے ہپتگ ءَ ۔

من گشت جونی تو پرمجگیں مردمے ئے تو پہ زر ءِ درگیجگ ءَ نوکیں کشک ءُُ داب درگیتکگ ۔‘‘ جونی ءَ بچکندات ءُُ ہچ نہ گشت پدا آئی ءَ چاردہ تاکبند یک جاہ چہ جہل ءَ برز ءَ دور دات انت ءُُ گشت کہ نوں آئی ءَ الم روگی انت ۔من گشت جونی چد ءُُ پد تو یک تاکے ءِ دوسنٹ بدئے ہنمچو باز انت ۔

جونی ءَ من ءَ چارات ۔اناں سے سنٹ شر انت ترا اوں لم نپے بہ رس ایت آئیءَ من ءَ گشت ۔یازدہ سالی ئیں بچک من آئیءَ چارگ ءَ اتاں کہ گوں کسانیں بیپار ءَ ترانج بندان ءَ ڈن ءَ دراتک۔
(برجاہ اِنت)