شعربلوچی ڈیپارٹمنٹ ءَ ازم کدگ ءِ چیر دستی ءَ مراد ساحر ءِ یاتگیری ءَ ۱۹ سمتبر ءَ مراگشے جم دارگ بوتگ ات مراگش ءَ بلوچی ڈیپارٹمنت ءِ استاد ءُُ نودربراں بہر زرتگ ات ءَ ساڑی ایں گشتاتگ دئیوگانی جوانے لڑے است انت کہ ایشانی تہا گشتر ءَ ساحر ءِ شعر ءُُ آئی ءِ زند ءِ جتائیں
تک ءُُ پہناتانی تہا گشتر ءَ ساحر ءِ شعر ءُُ آئی ءِ زند ءِ جتائیں تک ءُُ پہناتانی سرا گپ جتگ ات ۔بانک ناز بلوچ ءَ مراد ساھر زند ءِ بابت ءَ گشتانگ دیا ن ءَ آئی ءِ کار ءُُ ازمتانی بابت ءَ گوستگ اَت ۔
ولید ،شیربلوچ،ساحر ءِ شعر ونتان ءُُ دیوان براہ دار کت ۔بلوچی ڈیپارٹمنت ءِ ایم فل اسکالر بالاچ حمید نورؔ ءَ لبزانتانی ارزشت ءُُ آہانی جتا جتائیں ازمی پہناتانی سرا کار کنگ ءِ بابت ءَ وتی گشتانک دات آئی ءَ تران کنان ءَ گشتگ اَت کہ مراد ساحر ءِ ڈلگیں پہناتاں چہ بائد آئیءِ ازمی ہورتیں پہنات پولگ بہ بنت ۔ پی ایچ ڈی اسکالر عاصم زہیر ءَ مراد ساحر ءِ تاک ءُُ ماہتاکانی کار ءُُ کرد ءِ بابت ءَ پیرے وانتگ اَت ۔
دیوان ءِ جاری جن مجاہد بلوچ ءِ کوپگان اَت دیوان ءِ گڈی تران بلوچی ڈیپارٹمنٹ ءِ استاداں کتگ ات واجہ اے آرداد ءَ وتی گشتانگ ءَ بلوچی لبزانک ءَ آگہی ءُُ وابانی پیلوئی ءَ کار کنگ ءِ بابت ءَ گشتگ ات آئیءَ گشتگ ات کہ زندگیں چاگرد مدام واب گند ایت ءُُ وابانی پیلوئی کار کنگ ءُُ ہما راج کہ بے واب اَنت آ وتی ازمکاران آ جاہ ءُُ مقام ندنت کہ ہماآنی اسل حقدار اَنت ۔
آئی گشتگ ات کہ بلوچ ءِ نودربر بائد وتی رپتگیں لبزانت ءُُ کماشانی مدام یاتگیری ءَ بہ کنت ۔دیوان ءِ گڈی تران واجہ رحیم بخش مہر ءَ کتگ اَت آئیءَ مراد ساحر ءِ شاعری پہناتانی سرا گوں شعری دروراں کتگ اَت ءُُ آئیءِ شاعری ءَ شبین ءُُ چہرانی سرا گپے کتگ اَت ۔