ہو ! اے حبر تچک ءُُ پدر انت کہ راجانی پجاروکی ءَ دودءُُ ربیدگ کنت بلئے زبان اے پڑ ءَ گیش شریں وڑے ءَ کرد پیشداریت چیا کہ یک راجے دومی راج ءِ دود ءُُ ربیدگان پہ وتی زرتءُُ کار بست کنت بلئے زبان ءَ ناں ۔

ہمے ھاترا ءَ زبان ءِ پہازگ ءِ زبان ءِ حبرانی تہا دراوڑی حبر ءِ مان کنگ ءَ چہ پہریز کنگ چی ءَ کہ اگاں یک راجے وتی زبان ءِ حبرا دریں لبزماں کنت گڑا کم کم ءَ وتی زبانءِ حبراں گار ءُُ بیگواہ کنت ۔

بلئے اے درگت ءَ ماں بچاراں کہ مارااگاں وتی ماتی زبان بلوچی ءَ چنچو نزیکی است یا مئے حبرانی توک ءَ دریں لبزتاں چہ ھدے ءَ مان ۔اے حبر دردیگ کنت ءُُ گوں اپسوز ءَ گشگ کپ ایت کہ ماں کہ بلوچی چءِ لبزانی توک ءَ وتی لوگ ءَ چاگرد ءِ تہا دری زبان ءِ حبر کنگ ءَ پہ وت یک شانے سرپد باں مارا اے زانت نیست کہ مئے کسانیں چک وتی زبان ءَ چہ چنچو دور بووگ ءَ انتءُُ اے ہم نہ چاراں کہ مئے چک مئے گیگانیاں کن انت ءُُ حبر ہیل کن انت۔

اگاں ماں آہانی دیما الکاپیں بلوچی بہ کن ایں یا دری زبان اردو،انگریزی یادگہ کجام زبان کہ دگنیا ءَ است انت چک ہما حبرانی رند پد ءَ گرانت ءُُ ہما زبان ءَ حبر ہیل کن انت یادگہ دریں زبانے ءِ لبزان گوں بلوچی ءَ ہورکن انت گڑا مئے چک چہ بلوچی ءِ بازیں حبراں نابلد بنت بلوچی ءِ ہمک روچی ئیں کار مرز بووکیں لبزان سرپد نہ بنت ۔

بلئے چوکہ مروچی ئیں زمانگ ءَ گیشتر ھبرانگریزی زبان ءَ بووگ ءَ انت اے ہم پہ مئے زبان ءَ چہ یک تاوانے ءَ کم نہ انت دومی نیمگ ءَ اے ہم گشگ نہ بیت کہ انگریزیءُُ دگہ زبان ءَ حبر کنگ مہ بیت یا دومی راجانی زبان ءَ در مہ براتات بلئے اول وتی زبان ءِ سرپدی المی انت اے ہم المی انت کہ یک مردمے کہ انگریزی یا دریں زبان ءَ دربارت گڑا وتی زبان ءَ ہم شریں وڑے ءَ سرپد بہ بنت ۔ہمک حبر ءُُ لبزے ءَ سرپد بہ بیت ۔

گڑا آئی ءَ را دومی زبان ءِ حبر ءَ گپ زیب دنت اگاں انگریزی یادگہ زبان ءَ حبر ہیل بہ کنتءُُ وتی ماتی زبان ءِ نیمگ ءَ دلگوشی مہ دنت گڑا الم چہ وتی زبان ءَ نہ بلد بیتءُُ یک کسانیں حبرے ءِ سرپدی پہ آئیءِ بلائیں گپے بیت ۔

انچوکہ ماگندگ ءَ ایں کہ مرچاں کسانیں چک چہ بلوچی ءِ بازین حبراں نہ بلدانت ءُُ آہانی دیم ءَ بازیں حبر نوک انت بلئے انگریزی ءِ ہر لبز ءُُ ہر حبر ءَ چہ سرپدی دارانت اے درگت ءَ مارا مزنیں آ نادلگوشی گورکنگی انت۔

اگاں چک ءَ پہ وتی زبان ءِ ھاترا ءَ چکانی دیما وت انچیں حبر بہ کن ایں کہ باند ءَ روچ مئے کسانیں چک وتی زبان ءَ چہ انچو ناسرپد نہ بلد مہ بنت کہ شمبئے ءُُ ماھانی ناماں ہم مہ زاناں یا مہ زان انت کہ ناکوءُُ ترو ءَ بلوچی ءَ چے گش انت اگاں مارا وتیءُُ وتی راج ءِ زندگی درکار انت گڑا ما بلوچی بہ وان ایں بلوچی نبشتہ بہ کن انت ءُُ بلوچی حبر بہ کن ایں گڑا ماءُُ مئے بلوچی زبان زندگ ءُُ نمیران بیت۔