ماں دنیا ءَ رنگ ءُُ تام ءُُ بو ءَ را مزنیں ارشتے ہست ۔ہر راج ءُُ قومے بہ بیت آئی ءِ زبان ءَ رنگ ءُُ تام ءُُ بولازم کہ ماں گپ ءُُ تران ءَ ورگ ءُُ چرگ ءِ تہا کاروبار ءِ تہ ءَ ہرچیز ءِ تہا بچارئے اے سہ ایں بزاں رنگ ءُُ تام ءُُ بو الم ءَ کہ نام گپت بیت انت ۔

بے ایشاں ہما گپ ءُُ حبر ءِ مزگ ءُُ تام بے لزت ءُُ بے معنی ءُُ بزانت ءِ مکسد ءُُ مطلب فقط گار بیت ۔کجا م پیمیں کاروبارے بہ بیت ۔ورگے بہ بیت چیزے درچکے حیوان ءُُ دلوتے بہ بیت حتماً آئی نام گرگ بیت ۔

۱۔رنگانی تہا بلوچ راج ءُُ قوم ءَ وتی پیم ءَ رنگاناں جت جتائیں نام داتگ مردمے ءَ ر اسرپد کنگ ءِ واستہ ہم ہمے رنگانی رنگ یا سپتیں رنگ یا سپیت چکیں سیاہیں رنگ یا سیاہ چکیں بلئے مرچی باند ءَ کہ علم ءُُ زانت ءَ باز دیمروئی کتگ تو چرے سوب ءَ سیاہ مانندیں رنگ ۔بلئے سیاہ مانندیں گیشترفارسی زبان ءَ کامرز بیت کہ ماں بلوچ زبان ءِ تہ ءَ آتکگ ءُُ کارمرز بیت۔

اصل ءَ نمانندیں یا مانندیں لبز ءِ اصل چکٰں انت ۔سہریں رنگ ماں سہرچکیں ،بوریں ،گورگیں ،پر کو ،سبز ءُُ سبزیں شیر سبز،بادامی رنگ ،شنز رنگ یا شنز چکٰں سلیٹی رنگ ،اشتری رنگ متراسی رنگ ،گلابی رنگ ،انگوری رنگ ،آسمانی رنگ یلیں گرن گران رنگ قہقئی رنگ ،ملشی رنگ ،نیل ملیں ،زردملیں بلئے اے گیشت مال ءُُ دلوت ءِ حوال ءَ باوا گوشگ بنت ۔ہمے پیم ءَ ماشویا ماش رنگ واز ودار ،نیگیز و سرمگی رنگ چریشاں ابید دگہ انچیں رنگ ہست کہ بلوچی زبان ءِ تہ اءَ گیشتر گوشگ بنت پہ مثال ءَ ششرو پٹ ،پل پل پٹ ٹٹرپٹ ،ڈنڈلوپٹ ۔

۲۔ تام۔۔چوناہاں گل تام بازمعنہ داریت ۔اے گال پہ عزت ءُُ بے عزتی گرانی ءُُ سبکی ءِ واستہ اوں کارمرز بیت۔ فلاں بے تامی مردمے ۔ایشی ءَ وتی تام برتہ مرچاں آئی ءَ وتی تام کش اتگ ۔چوش مکن بے تام۔بلے تام حقیقت ءَ لزت ءِ معنی بزانت ءَ دنت چوش کہ وش تام ،سورتام ،سورچکیں تام ،شیر کنیں تام ،تہلیں تام گنج ءِ تام ،ہوادگ ،بزاں بے تام ،جور ءِ تام ،سورگیں تام دگہ باز۔

۳۔بو ۔۔۔ دنیا ءِ تہا ءَ گیشتر پل بوکنت ۔دگہ ورگی انچیں چیز ہست کہ آ بو کنت انت ۔برنج ءَ گرادئے باز برنج گرادگ ءَ پد ہم بو کنت ۔چاہ گرادے آئی ءِ دگہ بویے بیت ،ناز بو ،پورچینک ،سیر ککاہ ،پل ءِ بو ،نرگس ءِ بو ،چنبیلی بو ،انچیں درچک ءُُ دار است کہ آ اوں بو دار انت ۔ہمے رنگ ءَ بلوچی دار ءُُ درمانی ہم بو است انت ۔
الغرض رنگ ءُُ تام ءُُ بو گوں انسا ءِ زند ءِ زلورتانی تہ ءَ ہم گرنچ انت پمیشکا ہر سہ ایں مزنیں ارزشتے دار انت ۔