خضدار : قومی شاہراہ پر تحصیل وڈھ کا علاقہ اوورناچ کراس کے مقام پر مسافر بس اور کار حادثے کے المناک حادثے میں ایک خاتون سمیت چھ افراد جاں بحق بارہ افراد زخمی زخمیو ں کو قریبی ہسپتال منتقل کیاگیا ۔

تفصیلات کے مطابق پیر کو تحصیل وڈھ کے پپہاڑی علاقہ اور ناچ کراس کے قریب مسافر بس اور کار میں ٹکر ہوئی مسافر بس قلابازیاں کھاتی ہوئی گہرے کھائی میں جا گری حادثے کے نتیجے میں ایک خاتون سمیت چھ افراد جن میں مراد بخش ولد محبت خان قوم بلوچ ساکن پنجگور ،عنایت اللہ ولد محمد افضل قوم زہری ساکن قلات ،سرفراز احمد ولد دوست محمد قوم بلوچ ساکن پشین ،محمد رفیق ولد فقیر محمد قوم بلوچ ساکن پنجگور ،مسماۃ(خ) بنت محمد ہاشم اور مرد جسکی شناخت نہ ہوسکی موقع پر جاں بحق ہوگئے ۔

جب کہ زخمیوں میں اللہ بخش ،محمد اسلم،حبیب اللہ ،محمد ادریس،عبدالطیف ،غلام مصطفی ،محمد صدیق ،عبدالواحد ،صغیر احمد اور،زہرہ بی بی شامل ہیں مسافر بس پنجگور سے کراچی جا رہی تھی واقع کی اطلاع ملتے ہی خضدار لیویز کے اہلکار جائے وقوعہ پر پہنچ کر جاں بحق اور زخمیوں کو ہسپتال منتقل کیا ۔