ممتاز یوسف ءِ شعری دپتر’’بے نام‘‘ چھاپ ءُُ شنگ بوت بزاں کلمانٹ بانور بوت ءُُ کلمانٹیں واھگاں وتارا سُہریں بانوری گشان ءَ مانپوشت ۔ بلے یک گپے منی مجگءَ نئیت کہ ممتاز یوسف ءَ وتی شعری، پدا اولی دپتر بزاں شعرانی نام بے نام چیا کُت ءَ؟؟۔

یکے وا اِش کہ دنیا ءَ ھچ چُشیں چیزءِ نیست کہ آئیءَ نام پر مبیت ہمے بے نام ءِ جند وت یک نامے بلے ممتاز جان ءِ وڑیں قد آوریں شاعرءُُ زانتکار ے ءَ باریں چے سّسا ساچی کُتگ ءَ اے نام چونیا زرُت ءَ منی سر کچ نہ وارت۔

اے نام چونیا ہندی تامرانی نام ءَ گوں جڑ الم وارت چوشکہ بے نام بادشاہ، گمنام، ناکامءُُ دگہ دگہ انچیں نام انت ممتاز یوسف بلوچی ءِ ہما نامداریں شاعراِنت کہ آئیءَ ہر بلوچ پوہ ءُُ سرپدیں چُک چُک ءُُ لوگ لوگءَ سر اِنت۔ آکجام نامداریں گشندہ ایں کہ ممتاز یوسف ءِ شعرءِ نہ گوشتگ انت۔منی ھیال ءَ چشین ءِ نیست کہ ممتاز یوسف ءِ نہ گشتگ۔

ہمے رنگءَ ممتاز جان ہر ہما شعر کہ مان بلوچی تاک آں شنگ بوتگ انت ہروانوک ءِ دلءَ یات ءُُ زپت انت۔ من چونکہ ممتاز ءِ کُہنیں وانوک ءُُ آئیءِ شاعریءِ مریدی آں من باریں چنت سال بیت کہ من ممتاز ءِ شعرانی کتابءِ وداریگ بوتگاں چُشکہ من اِش کت کہ ممتاز ءِ شاعری کتاب چھاپ بوتگ گڑا ہنچو وشی منءَ بوت منی ھیالءَ دگہ کس ءَ بوت۔

نہ کنت ہردیں کتاب منی دستءَ کپت کتاب ءِ ٹائیٹل’تاکدیم‘ ءِ گندگ ءَ گوں منی دل ایرشُت یکے وا نام کے بے نام ءُُ بدنام اِنت دومی پورا ٹائیٹلBollywood بالی وڑ ءِ بزاں انگلش تامُر ے ءِ فکچریے ءِ عکس گندگءَ اتک گُشے insidiorse اینسی دائس خوفناکسیں ، بیمناکیں عکس اَت کہ من سنیما ھالانی زینت، جلوہ بوتگ اَنت۔۔

خیر دیمے ٹائیٹل ءُُ نام ءُُ وتی جاگہ پشتیگ ءَ ہردیں چم کپت انت کہ انچیں مردمے ءَ پہ بلوچی لبزانک ءَ یک جوانیں ءُُ مزنیں گیشی یے اے گپ ءَ اوں ھچ شک نیست مئے وڑیں نودربراں پہ یک تچکین ءُُ مادنیں کشک یے ممتازجان ءَ رستگ پہ جوانیں منزل یے ءُُ آپسرے ءَ من اے گپ ءَ اوں گیشینگ لوٹاں کہ ممتاز وتی عہدءِ روژناہ پکریں شاعری ءِ واھند اِنت ممتاز یوسف بلوچیءِ ہما یکتائیں شاعر ایں کہ نظم ءُُ غزل ہردوکان ءِ بندءُُ بوج ءَ زانت ءُُ چو عطاءَ ایوکءَ نظم ءِ شاعرءِ گُشت ءِ نہ کنیں یاکہ چو ظفر علی ظفرءَ غزل یے شاعرءِ۔

ممتاز ءِ شاعری سنگ ءُُ شاھیم یک کیلءَ اوشتاتگ ہر دو ،وانوکانی دلاں ایرکپ انت پہ درور:
چی اِنت سنج ءِ رنگ، چی اِنت در58ِرین ءِ رنگ
چِینچک پُر کیف اِنت مہہ جبین ءِ رنگ

توکہ سینگارئے وت بدل بنتیں
آزمان ءِ رنگ، گُلزمین ءِ رنگ

شنگ بیت تئی تر58انگ ءِ وہدیکہ ماہ ءِ ماہکان
زرد ءِ کوراس ءَ بلیت ن58یاد ءِ تماہ ءِ ماہکان

تو منارا واہگانی دوزہ ءِ آس ءَ برئے
جی ترا باتیں منی شہدیں گُناہ ءِ ماہکان
**
من وہدیکہ
وتی دُنیا ءِ در58وگیں کندگاں
ءُُ گر58یوگاں گِنداں
گُشئے زانا
منی واہگ
ہما بے وارثیں شہرءِ شہیدءِ
زِرد ءِ اَرمان اِنت
ناں یات ءِ دامن ءَ بستگ
ناں زند ءِ منزل ءَ سربیت
*
تئی جیگ ءَ چہ کپت ہیرے زمین ءَ
گُشئے کہ رَست تاہیرے زمین ءَ

سرا تئی ہرسباہ ءَ پُلّ گو58اریت
من کِشتگ اَنچیں زنجیرے زمین ءَ

منارا پہ منی جندءَ بہ کنت سر
بیار اِت انچیں پدگیرے زمین ءَ
*
گستائی ءِ عذاب ءِ دو تامانی لذّتے
بے واب کنت برے، برے آگاہ پہ زورکنت
*
نزیک بیا کہ تو منی اَرواہ ءِ بُن پدئے
دوری دلانی روشِنیں دیدوکاں کور کنت

**
بالاد ءِ تئی گُمان ءُُ شررنگی ءِ حیال
اِیمان ءَ مُحکمیں منی چِینکس نزور کنت
*
بے حاجتیں اے زند ءِ حاکشانی ءَ بگِند
مُردم وتی چوں زِندگیں واہشتاں گور کنت

پہ من ہمینچو گنجے کہ کرپاس بدن وتی
ممتاز منا اوں مِہر ءِ گُنہگاراں ہور کنت
*
دوستیءِ روچ ءُُ نی58اد ءِ شپ بیا بیا
دیدگ ءِ رُژن ءُُ ساہ ءِ کپ بیا بیا
*
دل شپی نوکیں مجلسے لوٹیت
ڈَکُمیں ملگوراں بہ گو58پ بیا بیا
*
ھورءُُ توراں گوں تئی گنجیں گَماں
ماں شپانی چاریں پاس ءِ ساہگءَ
*
ما وتی ممتازؔ بہشتے مان داشت
دوزھے ءِ روکیں آس ءِ ساہگ ءَ

گڑسرا بس اینچو گُشاں ممتاز یوسف ءِ بے نام انشاء اللہ دیمترءَ نامدار الّم بیت پہ وانوکاں مستاگ یے ءُُ پہ بلوچی ءَ گیشی ءِ۔ اے مڈی ءِ وانگ پہ ہر بلوچ ءَ لازم اِنت پرچاکہ ممتاز یوسف بلوچی شاعرانی دیمے سرْپ ءَ اشتوکیں یک شاعرے ءِ بستار ءَ زانگ بیت۔