کنگرڈ : سوئٹز رلینڈ نے سخت مقابلے کے بعد سربیا کو شکست دیدی۔تفصیلات کے مطابق تیسرا میچ روس کے شہر کنگر ڈ میں سربیا اور سوئٹز لینڈ کے درمیان کھیلا گیا ۔ 

کھیل کا آغاز تیزی سے ہوا اور کھیل کے 5ویں منٹ میں سربیا کے میتر وویچ نے گول کر کے مقابلہ 1-0کردیا ۔سربیا کے کھلاڑی نے اس عالمی کپ کا تیز ترین گول اسکور کیا۔ اس کے بعد سوئٹر لینڈ نے گول کرنے کی کئی سرتوڑ کوشش کی لیکن ناکام رہے ۔ 

پہلے ہاف کے اختتام تک سربیا کو 1-0کی برتری حاصل تھی۔ دوسرے ہاف میں سوئٹز رلینڈ میں نے شاندار کھیل کا مظاہر ہ کیا اور کھیل کے 52ویں منٹ میں سوئٹز رلینڈ کے گرانیت ژاکا نے گول کر کے مقابلے برابر کر دیا ۔ 

سربیا نے برتری حاصل کرنے کی بھر پور کوشش کی لیکن ناکام رہے کھیل کے 89ویں منٹ میں سوئٹز رلینڈ کے جردان شکیری نے گول کر کے مقابلہ2-1کردیاجوکہ کھیل کے آخر تک برقرار رہااور اس طرح یہ میچ سوئٹز رلینڈ نے ایک کے مقابلے دو گول سے جیت لیا۔ 

اس جیت کے بعد سوئٹز رلینڈ گروپ ای میں 4پوائنٹس کے ساتھ دوسرے جبکہ برازیل 4پوائنٹس کے پہلے اور سربیا 3پوائنٹس کے ساتھ تیسرے نمبر اور کوسٹاریکا بغیر کسی پوائنٹس کے ساتھ آخری نمبر پر ہیں ۔