Posts By: بی ایچ نور

واجہ صدیق بلوچ سرجمیں بلوچستان ءَ کسی توسیپ ءِ حاجت ءَ نہ داریت آئی ءَ پہ بلوچ ءُُ بلوچستان ءِ جہد کاری ءَ انچیں کار ءُُ کارپد ءِ واجہ بوتگ کہ آئی ءِ نام بلوچ راجدپتر ءَ دائم ءَ گرگ بیت۔

بلوچستان ءِ یونیورسٹی ءِ ہما کہ جیڑہ اِنت مروچی ایشی ءَ ماہ یے سرجم بوئگ ءَ انت بلئے تنی وہدے چہ حکومت ءِ نیمگ ءَ جوانیں گامگیجے زورگ نہ بوتگ۔پمشکا زارشانی نندانک ءُُ روانک در کنگ بوتگ ءُُ بوئگ اَنت۔قبائلی دمگے ءِ چنائی ءَ درائیں معالہ سک نازرک اَنت بلئے آ جیڑہ کہ گوں جنین آدمے ءَ بندوک بہ بیت آسک باز ترند بیت پرچکہ بلوچ دپتر ءَ چشیں سداں وئیل بوتگ اَنت کہ آوانی پشدر جنین آدم بوتگ اَنت بارین چنچو جنگ ءُُ جدلانی پشدر ہمے جنین آدم بوتگ اَنت بلوچ راج ءَ جنین آدم آوانی غیرت اِنت آوانی ننگ ءِ بہرے،ءُُ ایشی ءِ پہازی ءِ ہمک بلوچءَ سوگند وارتگ۔

لہتیں واہگ سرجم نہ بیت ءُُ لہتیں واہگ انچین بنت کہ دل آوانی ءَ سرجم ءِ وت منوک نہ بیت۔پرچکہ اے پیمیں واہگ ہچ حساب ءَ مردمانی پیلو بوت نہ بنت۔ مردمانی چونائی ءَ واہگ انچو باز اَنت کہ کہ ہچ بر پیلو نہ بنت۔یک واہگے کہ سرجم بیت داں دومی واہگ ترک جنت ءُُ دیم ءَ کیت۔

یک وہدے بوتگ کہ وانگ ءَ پد گپ ءُُ تران بوتگ،یکے دومی ءَ را سرپد دئیگ بوتگ، چیزے ءَ را راست کنگ ءُُ چیزے ءَ را دروگ کنگ بوتگ۔دیوان ءُُ مجلس بوتگ، مجلساں گپ ءُُ حبر بوتگ زاہ ءُُ بد ہم بوتگ ناراضگی بوتگ دلگرانی بوتگ،بلئے اے درائیں چیزے بوتگ اَنت۔نوں چریشاں ہچی نیست۔پرچہ؟؟؟پرچہ وانگ… Read more »

بلوچی زبان ءَ راچونائی ءَ بازیں شاعر رستگ ءُُ واجہ حیات شوکت ءِ وَ گشگ ہم ہمیش اَت کہ بلوچ ءِ ہمک زہگ یک شاعرے بزاں بلوچ ءِ ہر لوگ ءَ یک شاعرے الم ءَ است اِنت۔ بلئے اے درائیں شاعراں چہ چیزے نام کش اِت ءُُ چیزے وہد ءِ مجاں گار ءُُ بیگواہ بیت۔ ہمے لڑ ءِ شاعراں بلوچی ءَ را نام ءُُ ننگے بکشاتگ ہمے لڑ ءَ یک نامے حدامرزی ظفر علی ظفرئیگ انت کہ بلوچی لبزانک ءَ را ویرانے کت ءُُ وتی ابدی دنیا ءَ سر بوت۔

بلوچی زبان بہ بیت کہ آئی ءِ لبزانک ءُُ زند ءِ اے دگہ وانگی،مارگی ءُُ چارگی جاور درست پہ بلوچءَ اے دور ءَ نہ وش ءُُ نہ گیگ اَنت۔ ہمے جاوراں اگاں چم کپ اَنت داں وتی زانتکاریں رہشون ءُُ پیشی سراں کہ بلکیں ہمیشانی ہم نیادی ءُُ سکین ءَ اے نیم رودیں کشار تاک ءُُ بَر ے بیاریت بلئے حدا ءِ دگہ کانود ءُُ رہبند اَنت کہ چہ بلوچانی اے واہگانی کشار ءِ سبزگ ءَ بَل آئی آپسریں روتگاں چہ بُن ءَ گواجان اِنت۔چمے مزن روتگاں یکے واجہ رحیم بخش آزاد اَت کہ گوستگیں روچ ءَ بزاں ہمے21 مئی 2019 ءَ کراچی ءَ اَچ ماں مدامی گستہ بوت۔

ماہتاک سچکان بلوچی ءِ یک جوانیں تاکے کہ ماہ پہ ماہ چھاپ ءُُ شنگ بیت ۔ ہمے تاک ءَ بازیں نوک نویسوک ءُُ کواسیں زانتکارانی نبشتانک ءُُ شعر ہوار بنت ۔ سال 2019سچکا نءِ فروری ءِ تاک کہ عطا شاد ءِ نام ءَ نبشتگیں تاکے ءَ شمار بیت ۔

بلوچی زبان ءَ رجانکءِ روایات سک کہن اِنت ۔ اگاں چوش گشگ بہ بیت کہ اے چہ ردانک ءِ بنداتی ءَ گون اِنت داں رَد نہ بیت ۔بلوچ ندکاراں دائم ءَ اردو ءُُ انگریزی ءِ شر شریں موادانی بلوچی زبان ءَ رجانک کرتگ ءُُ بلوچی لبزانک ءَ گیشی آورتگ ۔

بلوچستان ءَ گوستگیں دہ سالاں پد واجہ حدا ءَ وتی رحمتانی گنج پچ کتگ ءُُ جوانی ءَ زمین ءِ تُن پروشتگ۔بلوچستان ءِ چشیں ہندو جاہ یے پشت نہ کپتگ کہ آہوداں ہور ءُُ باران ءَ نہ گورتگ ۔ بلوچستان ءِ بنجاہی شہر بزاں کوئٹہ ءَ مدتے ءَ پد جوانیں برف گواری یے ہم بوتگ ءُُ مردماں چرے برف گواری ءَ تب وشی کتگ۔

راجدپتر بنی آدم ءِ اولی ءُُ مستریں پجار اِنت بلئے مرچاں ما چہ وتی راجدپتر ءَ انچو گستا بوہان اَنت انچو ورنائی چہ زند ءِ بادگیر ءَ جتا بوہان بہ بیت۔مرچی سک کم مردم راجدپتر ءِ شوہاز ءَ درکپگ ءِ جہد کنت باز کم مردم چہ وتی پیراناں چہ وتی گوست ءِ بابت ءَ جست ءُُ پد کن وتی جاگہ ءُُ ہندانی بابت ءَ سرپد زورایت ،وتی کہول ءُُ کٹمانی بابت ءَ زانگ ءِ جہد کنت وتی حد ءُُ ابیلانی گیشواری ءَ سرپد بوہگ ءِ جہد کنگ ،منی ورناآنی تہا چشیں مردم سک بیت۔