کوئٹہ: شہید صحافی عبدالواحد رئیسانی قتل کیس کی سماعت ،ایڈیشنل سیشن جج سریاب (ون) محمد علی مبین نے گرفتار ملزمہ کی ضمانت کی درخواست خارج کردی۔منگل کے روز ایڈیشنل سیشن جج سریاب (ون) کی عدالت میں شہید صحافی عبدالواحد رئیسانی قتل کیس میں گرفتار ملزمہ مسماۃ رابعہ ولد جمال الدین کی جانب سے دائر ضمانت کی درخواست پر سماعت ہوئی.
تربت: بی این پی کے سابقہ ضلعی صدر نصیر گچکی نے پارٹی آفس میں پر ہجوم. پریس کانفرنس کرتے ہوئے کہا کہ اسسٹنٹ کمشنر تربت نے لیویز فورس کے زریعے بی این پی کے کارکنان پر انسانیت سوز تشدد کرکے ان پر جھوٹا مقدمہ درج کرایا اور 24 گھنٹے گزرنے کے باوجود گرفتار کارکنان کو جوڈیشل مجسٹریٹ کے سامنے پیش نہ کرکے اپنی بادشاہت قائم کررکھی ہے.
قلات: ضلع قلات میں محکمہ تعلیم کے نان ٹیچنگ اسٹاف بھرتیوں میں ناانصافی کے خلاف جے یو آئی نظریاتی اور بی این پی متاثرین کا ہر ممکن ساتھ دے گی عدالت عالیہ کے حکم کے باوجود نظرانداز کیے گے متاثرین کے حوالے سے ڈپٹی کمشنر قلات خاطر خواہ اقدام نہیں کررہے ہیں۔
تربت: چین اور سندھ کی جانب سے بلوچستان بالخصوص گوادر ضلع کی سمندری حدود میں غیر قانونی طور ماہی گیری مکران کے ماہی گیروں کے معاشی قتل کے مترادف ہے۔
گوادر; پینے کے پانی میں سیوریج ملا پانی شامل ہونے کے خلاف سہرابی وارڈ کے مکینوں کا احتجاج، ملا فاضل چوک کو احتجاجاً بند کر دیا۔ گزشتہ ایک سال سے متعلقہ اداروں کو سیوریج ملا گدلا پانی کے لئے شکایت کر رہے ہیں۔ علاقہ مکین ہفتہ کی شام سہرابی وارڈ کے مکینوں نے پانی سپلائی لائن میں سیوریج ملا پانی شامل ہونے کے خلاف احتجاج کرتے ہوئے گوادر کے مرکزی چوک ملا فاضل چوک کو احتجاجاً بند کر دیا۔
قلات: قلات میں ملزم نے فائرنگ کرکے اپنے ہی بھائی کو قتل کردیا، پولیس نے بروقت کارروائی کرتے ہوئے ملزم کو گرفتار کرکے اس کے قبضے سے آلہ قتل برآمدکرلیا ہے۔ پولیس ذرائع کی مطابق ہفتے کی صبح قلات پولیس کو اطلاع ملی کہ مرغی خانہ باب قلات ایریا کے پاس ایک آدمی زخمی حالت میں پڑا ہوا ہے جس پر ایس ایچ او قلات و دیگر پولیس فوری موقع پر پہنچ کر زخمی کو سول ہسپتال قلات پہنچایا۔
تربت: تربت سول سوسائٹی نے سروس کی متواتر خرابی پر جیز الوارد تربت فرنچائز کو لاک کرنے کا اعلان کردیا۔منگل کو جلوس کی شکل میں فرنچائز جاکر تالہ لگایا جائے گا۔ کیچ سول سوسائٹی اور انجمن تاجران نے فرنچائز کے تالہ بندی کی حمایت کردی۔
گوادر: گوادر میں خواتین ایک بار پھر سڑکوں پر سراپا احتجاج، بلوچ وارڈ کے خواتین نے گدلا پانی سپلائی لائن میں آنے پر احتجاج کرتے ہوئے میرین ڈرائیو سڑک کو بند کر دیا. جمعتہ المبارک کے روز گوادر کے بلوچ وارڈ کے خواتین نے گدلا اور مضر صحت پانی سپلائی کرنے کے خلاف احتجاج کرتے ہوئے میرین ڈرائیو سڑک کو بلاک کر دیا. جس کی وجہ سے ٹریفک کی روانی بند رہی. بعد ازاں انتظامیہ کی جانب سے مسئلے کو حل کرنے کی یقین دہانی پر احتجاج ختم کر دیا گیا۔
گوادر : نیشنل پارٹی اور بی ایس او (پجار) کے زیر اہمتام نیشنل پارٹی کے ضلعی سیکٹریٹ گوادر میں شہید حمید ڈے کی مناسب سے تعزیتی ریفرنس منعقد کیا گیا۔ تعزیتی ریفرنس سے خطاب کرتے ہوئے مقررین نے شہید حمید کو خراج عقیدت پیش کی اور کہا کہ شہید حمید بلوچ ظلم اور استحصالی ہتھکنڈوں کے خلاف جدو جہد کا استعارہ بن کر ابھرے اور دنیا بھر کے محکوم اقوام کی نمائندگی کرتے ہوئے شھادت کے رتبہ پر فائز ہوئے۔
تربت: انجمن زمینداران دشت و میرانی ڈیم کے ترجمان نے گیشکور اور اپسی کہن میں نئے مجوزہ ڈیموں کی تعمیرات کی منظوری پر تشویش کا اظہار کرتے ہوئے کہا ہیکہ گیشکور ڈیم اور اپسی کہن ڈیم کی تعمیرات سے میرانی ڈیم مکمل طور پر شدید متاثر ہوکر خشک اور غیر آباد ہوگا،جہاں زمینداروں نے مجموعی طورپر اربوں روپے خرچ کرکے ہزاروں ایکڑ غیر آباد اراضی کو آباد کرکے ہزاروں لوگوں روزگار فراہم کیا ۔