تربت: انسداد منشیات کمیٹی ڈنک یوسی گوکدان کیچ کی جانب منشیات کیخلاف لگائے گئے کیمپ کو آج دس دن مکمل ہوگئے،جبکہ کیمپ کومزید جاری رکھنے کیلئے کمیٹی کے ممبران پر عزم،انسدادمنشیات کمیٹی کے رہنماؤں نے کہاکہ ہمارے کیمپ کامقصد ڈنک ویوسی گوکدان کو منشیات سے پاک کرناہے،اس سلسلے میں ہم بیٹھے ہیں کہ حکومت مؤثر کاروائیاں کرکے اقدامات اٹھائے لیکن حکومت وضلعی انتظامیہ منشیات اڈوں اور منشیات فروشوں کے سامنے بے بس نظر آرہیہیں، منشیات نے نسلوں کو تباہ وبرباد کردیاہے، جب تک ضلعی انتظامیہ منشیات فروشوں کیخلاف اقدامات نہیں اٹھائیگی ہمارا یہ کیمپ جاری رہیگا۔
تربت: نیشنل پارٹی ضلع کیچ کے ترجمان نے محکمہ لوکل گورنمنٹ کی جانب سے ڈیلی ویجز ملازمین کو فارغ کرنے کی شدید الفاظ میں مذمت کرتے ہوئے مطالبہ کیاکہ انہیں فوری طورپر بحال کیاجائے بصورت دیگر نیشنل پارٹی احتجاج کا راستہ اختیارکرنے پرمجبورہوجائے گی، انہوں نے کہاکہ انتہائی افسوس کامقام ہے کہ کرونا عالمی وباء کے پیش نظر غریب طبقہ پہلے ہی سے تباہ حال اورپریشانیوں سے دوچار تھا ان کے چولہے بند ہوگئے تھے۔
تربت: آل پارٹیز کیچ کا اجلاس کنوینر خالد ولید سیفی کی صدارت میں منعقد ہوا جس میں تمام سیاسی جماعتوں کے رہنماؤں کے ساتھ کے سی ایس کے نمائندے بھی شریک رہے۔اجلاس میں آل پارٹیز کیچ کی جانب سے 10 ستمبر کو مجوزہ موٹر سائیکل ریلی کی تاریخ میں توسیع کرتے ہوئے 19 ستمبر رکھ دیا گیا جبکہ 10 ستمبر کو شام پانچ بجے آل پارٹیز کا ایک اور اجلاس طلب کرنے کا فیصلہ کیا گیا۔
تربت : آرٹسٹ شاہینہ شاہین سپرد خاک، قتل کا مقدمہ شوہر کے خلاف درج کرلیاگیا۔گزشتہ روز تربت میں قتل کیئے جانے والی سرگرم سماجی کارکن،آرٹسٹ اور مدیرہ شاہینہ شاہین کو اتوار کی دوپہر کوشقلات میں سپردِ خاک کردیا گیا۔
پسنی: پسنی میں منشیات کے خلاف ریلی اور جلسہ، ریلی نیادی سر سے شروع ہوکر مختلف شاہراہوں سے ہوتے ہوئے میزان بینک چوک پر احتجاجی جلسے کی شکل اختیار کرگئی، ہم نسل بچانے نکلے ہیں، آو ہمارے ساتھ چلو کے فلک شگاف نعروں سے ریلی گونج اٹھا۔
تربت: وزیر اعلی بلوچستان کے کوآرڈینیٹرمیر عبدالرؤف رند نے کہا ہے کہ بلوچستان عوامی پارٹی کے مرکزی صدر جام کمال خان عالیانی، چیف آرگنائزر بلوچستان عوامی پارٹی میر جان محمد خان جمالی اور جنرل سیکرٹری منظور خان کاکڑ سے مشاورت کے بعد ہم مکران ڈویڑن میں ورکرز کنونشن کا انعقاد کرنے جارہے ہیں،پہلے مرحلے میں ورکرز کنونشن گوادر اور ورکرز کنونشن پنجگورمنعقد کرنے جارہے ہیں۔
کراچی: فشر مینز کوآپریٹو سوسائٹی کے وائس چیئرمین ابوذر ماڑی والا، ڈایکٹر ڈاکٹر یوسف کے STOPA صدر حبیب اللہ نیازی،عرفان احمد اور پاکستان فشر فوک فورم کے جنرل سیکریٹری سعید بلوچ اور دیگر ماہی گیر نمائندوں نے وفاقی حکومت کی طرف سے ڈیپ سی فشنگ ٹرالروں کے لائسنس جاری کرنے فشر مینز کوآپریٹو کے چیئرمین کے چین کی کمپنی ” فیوجیان ہھینگلی “کے ساتھ غیرقانونی معائدہ کو رد کرتے ہوئے اس ایگریمنٹ کی شدید مذمت کرتے ہیں۔ ان ماہی گیر دشمن پالیسیوں کے خلاف سینکڑوں ماہی گیروں نے ڈیپ سی ٹرالرز کے خلاف کراچی پریس کلب کے سامنے احتجاجی مظاہرہ کیا۔
تربت: انسداد منشیات کمیٹی ڈنک کے زیر اہتمام جلسہ، آل پارٹیز کیچ کے رہنماؤں سمیت بڑی تعداد میں لوگوں نے شرکت کی۔ ڈنک میں انسداد منشیات کمیٹی ڈنک کے منعقد عوامی جرگہ سے خطاب کرتے ہوئے آل پارٹیز کیچ کے کنوینر خالد ولید سیفی نے کہا کہ منشیات کے دھندے کو ایک سازش نے تحت ہمارے معاشرے پر مسلط کردیا گیا ہے جس کا مقصد معاشرے کو سیاسی و سماجی شور سے بے بہرہ کر کے بانجھ اور اپنا تابع فرمان بنانا ہے۔
کراچی: سندھ کی ساحلی پٹی کے ماہی گیروں نے وفاقی حکومت کی طرف سے ڈیپ سی فشنگ ٹرالروں کے لائسنس جاری کرنے والے فیصلے کو رد کرتے ہوئے بھرپور جدوجہد کا اعلان کیا ہے۔اس سلسلے میں بدھ والے دن پاکستان فشرفوک فورم اور پاکستان بونافائیڈ فشرمین فورم کے مشترکہ اعلامیہ پر سینکڑوں ماہی گیروں نے آرٹس کونسل سے کراچی پریس کلب تک احتجاجی ریلی نکالی، جو کہ کراچی پریس کلب تک پہنچتے ہی ایک بہت بڑے جلسے میں تبدیل ہوگئی۔ ریلی میں شریک ہونے والوں کے پاس بینر اور پلے کارڈ بھی موجود تھے، جن پر ڈیپ سی فشنگ ٹرالروں کے خلاف نعرے درج تھے۔
تربت: محکمہ انفارمیشن ٹیکنالوجی کی جانب سے کمشنر مکران کے دفتر میں ایک انتہائی پروقار تقریب کا انعقاد کیا گیا۔ جس میں مکران ڈویژن کیلئے http://www.commissionermekran.gob.pk کے نام سے ایک ویب سائٹ کی افتتاحی تقریب رونمائی عمل میں لائی گئی۔ اس ایونٹ کے مہما ن خاص کمشنر مکران طارق قمر بلوچ تھے جبکہ آئی ٹی ڈیپارٹمنٹ کی جانب سے ڈویژنل آئی ٹی آفیسر ایاز حاصل خان کے علاوہ ڈسٹرکٹ آئی ٹی آفیسر ضلع گوادر رحمدل بلوچ، ڈسٹرکٹ آئی ٹی آفیسر ضلع کیچ حمل بلوچ، ڈیٹا بیس ڈوویلپر ضلع کیچ مقصود کریم تقریب میں سہولت کاری کے فرائض سرانجام دے رہے تھے۔
