وزیراعظم عمران خان کا کہنا ہے ہمیں نوجوانوں کو تعلیم کے ساتھ ہنر مند بھی بنانا ہو گا۔دسویں ڈی ایٹ ورچوئل کانفرنس سے خطاب میں وزیراعظم عمران خان کا کہنا تھا کہ ڈی ایٹ پچھلے 4 سال سے مؤثر انداز میں کردار ادا کر رہا ہے۔ کورونا کے باعث کروڑوں افرا د مقروض اور لاکھوں بے روزگار ہوئے، کورونا وائرس کی وجہ سے دنیا کی معیشت کو کھربوں کا نقصان ہو چکا۔ ہمیں نوجوانوں کو نئے پلیٹ فارم مہیا کرنے ہوں گے، نوجوانوں کو تعلیم کے ساتھ ہنرمند بھی بنانا ہو گا۔دوسری جانب ملک میں کورونا سے مزید 98 افراد انتقال کرگئے اور 5300 سے زائد کیسز بھی رپورٹ ہوئے ہیں۔
مسلم لیگ ن کے قائد نوازشریف نے اتحادی اپوزیشن جماعتوں کو لانگ مارچ کی تیاری کا مشورہ دے دیا۔اطلاعات کے مطابق نواز شریف نے اپوزیشن اتحاد پی ڈی ایم کے سربراہ مولانا فضل الرحمان سے رابطہ کیا جس میں اے این پی کے اعلان کے بعد کی صورت حال پر تبادلہ خیال کیا گیا۔اس کے علاوہ مسلم لیگ ن نے پی ڈی ایم کی دیگر 8 جماعتوں سے بھی رابطہ کیا جنہوں نے اتحاد برقرار رکھنے کا اعلان کیا۔واضح رہے کہ گزشتہ روزاے این پی نے پی ڈی ایم سے علیحدگی کا اعلان کیا تھا۔اے این پی کے رہنماء امیر حیدر ہوتی نے میڈیا سے بات چیت کرتے ہوئے کہاکہ شوکاز نوٹس پیپلز پارٹی اور اے این پی کو نہیں ملنا چاہیے تھا۔
وزیراعلیٰ بلوچستان جام کمال خان کی زیر صدارت گزشتہ روزہونے والے اعلیٰ سطحی اجلاس میں محکمہ خزانہ کی جانب سے ڈسپیرٹی ریڈکشن الاؤنس اور موجودہ صورتحال پر ملازمین کے جاری احتجاج کے حوالے سے تفصیلی بریفنگ دی گئی جبکہ ملازمین کی تنخواہوں میں فرق ختم کرنے اور مختلف محکموں کو دیے گئے الاوئنسس کا جائزہ بھی لیا گیا۔ اجلاس کو بتایا گیا کہ گزشتہ ڈھائی سالوں میں سرکاری ملازمین کو تنخواہوں میں کافی ریلیف دیا گیا ہے، گروپ انشورنس، پنشن اور دیگر امور کو فوری طور پر حل کیا جارہا ہے، تین ہزار سے زائد گروپ انشورنس کے کیسز کو حل کر دیا گیا ہے۔
عالمی وبا کورونا وائرس کے سبب پاکستان میں مزید 84 اموات اور4 ہزار 723 نئے کیسز سامنے آئے ہیں۔نیشنل کمانڈ اینڈ آپریشن سینٹر کے مطابق پاکستان میں کورونا سے اموات کی مجموعی تعداد 14 ہزار 697 تک پہنچ گئی جبکہ متاثرہ افراد کی مجموعی تعداد 6 لاکھ 82 ہزار 888 ہو گئی ہے۔ملک بھرمیں ایکٹو کیسز کی تعداد 58 ہزار 500 ہے اور 6لاکھ 9 ہزار 691 افراد کورونا سے صحت یاب ہوچکے ہیں۔ملک بھر میں کورونا کے مثبت کیسز کی شرح 9.4 فیصد رہی۔کورونا کے سبب سب سے زیادہ اموات پنجاب میں ہوئی ہیں جہاں 6 ہزار 523 افراد جان کی بازی ہار چکے ہیں۔
پاکستان ڈیموکریٹک موومنٹ جس تیزی کے ساتھ اڑان بھر رہی تھی اسی رفتارسے نیچے آکر گر گئی۔ پچھلے چند ماہ کے دوران بڑے بڑے جلسے جلوس، ریلیاں ، اجلاس پی ڈی ایم کی جانب سے منعقد کئے جارہے تھے اور ایک بہت بڑے لانگ مارچ کا بڑا شوشا چل رہا تھا کہ اسلام آباد کو مکمل بند کیاجائے گا بلکہ پی ڈی ایم سربراہ مولانا فضل الرحمان نے پنڈی جانے تک کا عندیہ دیا تھا۔اب یہ جذبات تھے یا واقعتا پی ڈی ایم کی پوری قیادت ایک پیج پر بیٹھ کر یہ تمام تر فیصلے کررہی تھی ویسے پہلے یہی گمان کیاجارہا تھا کہ پی ڈی ایم کی تحریک حکومت کوجھکانے میں کامیاب ہوجائے گی۔
وزیراعظم عمران خان کا کہنا ہے کہ پاکستان موجودہ حالات میں بھارت کے ساتھ کسی قسم کی تجارت نہیں کرے گا۔وزیراعظم کی زیرصدارت بھارت کے ساتھ تجارتی روابط سے متعلق مشاورتی اجلاس ہوا جس میں وزیر خارجہ شاہ محمود قریشی اور وزارت خارجہ کے اعلیٰ حکام شریک ہوئے۔اجلاس میں وزارت خارجہ کی جانب سے بھارت کے ساتھ تجارت سے متعلق تجاویز پر بریفنگ دی گئی۔اطلاعات کے مطابق بھارت سے تجارت سے متعلق ای سی سی کی سفارشات کو وزیراعظم عمران خان نے مسترد کر دیا، وزیراعظم نے وزیر خارجہ شاہ محمود قریشی اور کابینہ کے دیگر ارکان کی مشاورت کے بعد ای سی سی کی سفارشات کو مسترد کیا۔
چینی پر چھوٹے پیمانے پر سٹہ کھیلنے والوں کا بھی روزانہ 5 سے 10 لاکھ روپے کمانے کا انکشاف ہوا ہے۔ایف آئی اے ذرائع کے مطابق سٹہ مافیا کے وٹس ایپ گروپ سے ملک بھر میں ایک ہزار چینی مافیا کا ریکارڈ مل گیا ہے۔ چینی مافیا میں 30 سے زائد شوگر ملز کے ملوث ہونے کے شواہد مل گئے ہیں جبکہ 40 بڑے چینی مافیا کے اکاؤنٹس میں موجود 106 ارب میں سے 32 کروڑ روپے منجمد کروا دیئے گئے ہیں۔اطلاعات کے مطابق چینی مافیا کے مزید 392 بے نامی اکاؤنٹس کی تفصیلات بھی سامنے آگئی ہیں، 392 اکائونٹس میں 622 ارب کی ٹرانزیکشنز کی گئی۔
سابق صدر آصف علی زرداری ان دنوں ملکی سیاست میں زیربحث موضوع بن چکے ہیں جس کی وجہ یوسف رضاگیلانی کی سینیٹ کی نشست میں کامیابی اورسینیٹ میں اپوزیشن لیڈر بننا ہے اور یہی باتیں کی جارہی ہیں کہ آصف علی زرداری مقتدر حلقوں کے ساتھ تعلقات کو بہتر بنانے کیلئے کوششوں میں لگے ہوئے ہیں۔ بہرحال پیپلزپارٹی کی ماضی کی سیاسی پالیسیوں کا جائزہ لیاجائے تو اس نتیجہ پرپہنچا جاسکتا ہے کہ جب شہید بینظیر بھٹوزندہ تھیں تو ان کی لسٹ میں پنجاب میںمقتدر حلقوں کے قریبی سیاسی شخصیات سے ان کے تعلقات کبھی بہتر نہیں رہے ۔
اقوام متحدہ نے کورونا ویکسین ذخیرہ کرنے والے امیر ممالک کو سخت تنقید کا نشانہ بنایا ہے۔اقوام متحدہ کے سیکرٹری جنرل انتونیو گتریس نے امیر ممالک کو کورونا ویکسین دیگر ممالک میں تقسیم کرنے کی ترغیب دی تاکہ وبا کا خاتمہ ہو سکے۔انہوں نے کہا کہ مجھے ویکسین کی غیرمنصفانہ تقسیم پر شدید تحفظات ہیں اور اگر یہ ویکسین ہر جگہ ہر کسی کو لگے تو اس میں سب کا فائدہ ہے۔اقوام متحدہ کے سیکرٹری جنرل نے امیر ممالک کی اپنے فائدے کے لیے ویکسین کی ذخیرہ اندوزی کو کڑی تنقید کا نشانہ بناتے ہوئے کہا کہ امیر ممالک ویکسین کو ذخیرہ مت کریں اس کی کوئی منطق نہیں۔ ہم ترقی یافتہ ممالک سے اپیل کرتے رہے ہیں ۔
وفاقی ادارہ شماریات نے مہنگائی کے حوالے سے ہفتہ وار رپورٹ جاری کردی۔ ادارہ شماریات کے مطابق ایک ہفتے میں مہنگائی کی شرح 0.61 فیصد بڑھی جس کے بعد ملک میں مہنگائی کی شرح 15.35 فیصد پر پہنچ گئی ہے۔اعداد و شمار میں بتایا گیا ہے کہ ایک ہفتے کے دوران آٹا، چینی، دالیں، گھی، ٹماٹر، چکن سمیت 22 اشیاء مہنگی ہوئیں جبکہ 7 اشیاء کی قیمتوں میں کمی اور 22 میں استحکام رہا۔ادارہ شماریات کا کہنا ہے کہ چکن 21 روپے فی کلو مہنگی ہوئی اور اوسط قیمت 259 روپے86 پیسے پر پہنچ گئی جبکہ چینی کی فی کلو قیمت 59 پیسے اضافے کے بعد 99روپے ہوگئی۔
